ദേശീയ വിമാന കമ്പനിയായ സഊദി അറേബ്യന്‍ എയര്‍ലൈന്‍സ് വിമാനത്തിന് നേരെ സുഡാന്‍ തലസ്ഥാനമായ ഖാര്‍ത്തൂമില്‍ വെടിയുതിര്‍ത്തതിനെ തുടര്‍ന്ന് സര്‍വീസുകള്‍ നിര്‍ത്തിവെച്ചു. സുഡാനില്‍ ഇപ്പോള്‍ നടക്കുന്ന സൈനിക ആര്‍ധസൈനിക ഏറ്റുമുട്ടലിനിടെയാണ് വാമാനത്തിന് നേരെ വെടിയുതിര്‍ത്തത്.
ഇതിനെ തുടര്‍ന്ന് സുഡാനിലേക്കും തിരിച്ചുമുള്ള എല്ലാ വിമാനങ്ങളും താല്‍ക്കാലികമായി നിര്‍ത്തിവെച്ചതായി സഊദിയ അറിയിച്ചു. ഇന്നലെ രാവിലെ 7:30ന് റിയാദിലേക്ക് പറന്നുയരുന്നതിന് മുമ്പാണ് എയര്‍ബസ് 4330 ന് നേരെ വെടിവെപ്പുണ്ടായതെന്ന് സഊദിയ അധികൃതര്‍ വ്യക്തമാക്കി.