ജയ് ഹസാരെ ട്രോഫിയില്‍ റെയില്‍വേസിനോട് കേരളം പൊരുതിത്തോറ്റെങ്കിലും നായകന്‍ സഞ്ജുവിന് പ്രശംസ പ്രവാഹം. സഞ്ജു സാംസണ്‍ സെഞ്ചറിയുമായി മുന്നില്‍നിന്നു നയിച്ച മത്സരത്തില്‍ 18 റണ്‍സിനാണു റെയില്‍വേസിന്റെ വിജയം. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ റെയില്‍വേസ് 50 ഓവറില്‍ അഞ്ചു വിക്കറ്റ് നഷ്ടത്തില്‍ 255 റണ്‍സെടുത്തു. മറുപടി ബാറ്റിങ്ങിനിറങ്ങിയ കേരളം എട്ടു വിക്കറ്റ് നഷ്ടത്തില്‍ 237 റണ്‍സെടുത്ത് തോല്‍വി വഴങ്ങുകയായിരുന്നു.
സഞ്ജു സാംസണിന്റെ സെഞ്ചുറിയും ശ്രേയസ് ഗോപാലിന്റെ അര്‍ദ്ധ സെഞ്ചുറിയുമാണ് കേരള ഇന്നിംഗ്‌സിന്റെ ഹൈലൈറ്റ്‌സ്. മത്സരം പരാജയപ്പെട്ടതോടെ കേരളത്തിന് നേരിട്ടുള്ള ക്വാര്‍ട്ടര്‍ യോഗ്യത നഷ്ടമായി. പ്രിലിമിനറി ക്വാര്‍ട്ടര്‍ വിജയിച്ചാല്‍ മാത്രമെ കേരളത്തിന് ഇനി ക്വാര്‍ട്ടര്‍ കളിക്കാന്‍ കഴിയു.