ബി.ജെ.പി നേതാവ് സന്ദീപ് വാര്യരാണ് ആർ.എസ്. എസ് ആശയങ്ങൾ സന്ദർഭത്തിനൊത്ത് മാറുമെന്ന് പറയുന്നത്. ഗോൾവാർ കറുടെ വിചാരധാരയിൽ ക്രിസ്ത്യാനികളെ ശത്രുക്കളായി പ്രഖ്യാപിച്ചതിൽ മാറ്റമുണ്ടോ എന്ന ചോദ്യമുന്നയിച്ചത് മന്ത്രി മുഹമ്മദ് റിയാസാണ്. അതിനുള്ള മറുപടി ഹെഡ്ഗോവർ പറഞ്ഞിട്ടുണ്ടെന്ന് മോഹൻ ഭഗവത് വ്യക്തമാക്കിയിട്ടുണ്ടെന്നാണ് സന്ദീപ് വാര്യർ ഫെയ്സ് ബുക്കിൽ കുറിച്ചത്.
വിചാരധാര ദ്വിതീയ സർ സംഘചാലകായിരുന്ന ഗുരുജി ഗോൾവാൾക്കർ വിവിധ സാഹചര്യങ്ങളിൽ നടത്തിയ പ്രഭാഷണങ്ങളുടെ സമാഹാരമാണ് . വിവിധ സാഹചര്യങ്ങൾ എന്നത് കൃത്യമാണ് .
2018 ൽ സർ സംഘചാലക് മോഹൻഭാഗവത് അർത്ഥ ശങ്കക്കിടയില്ലാത്ത വിധം പറഞ്ഞു ” സംഘം അടച്ച് പൂട്ടിയ സംഘടനയല്ല , സമയത്തിനനുസരിച്ച് ഞങ്ങളുടെ ചിന്തകളും ആവശ്യമായ മാറ്റത്തിന് വിധേയമാണ് . അങ്ങനെ സമയത്തിനനുസരിച്ച് പരിഷ്കരിക്കാനുള്ള അനുമതി പൂജനീയ സംഘ സ്ഥാപകൻ ഡോ.ഹെഡ്ഗേവാർ തന്നിട്ടുണ്ട് .” വിചാരധാരയിലെ ആഭ്യന്തര ഭീഷണികൾ എന്ന ഭാഗവുമായി ബന്ധപ്പെട്ട ചോദ്യത്തിനാണ് സർസംഘചാലക് മോഹൻ ഭാഗവതിന്റെ മറുപടി .
ക്രിസ്ത്യാനികൾ ആഭ്യന്തര ഭീഷണികളാണോ എന്ന ചോദ്യത്തിന് അല്ല എന്നാണുത്തരം .
ഇനി ഇന്നീ ചോദ്യം ഉന്നയിച്ച മുഹമ്മദ് റിയാസിനോടാണ് മറുചോദ്യമുള്ളത് ..
ശരീയത്ത് പരിഷ്കരിക്കണമെന്ന് ഇഎംഎസ്‌ പറഞ്ഞിട്ടുണ്ട് . നോമ്പുകാലമല്ലേ , ആ നിലപാടിൽ സിപിഎം ഇപ്പോൾ ഉറച്ച് നിൽക്കുന്നുണ്ടോ എന്ന് റിയാസിനൊന്ന് പറയാമോ ? എന്ന് സന്ദീപ് വാര്യര്‍
ഫെയ്‌സ്ബുക്ക്‌ പോസ്റ്റിട്ടു.