പാണക്കാട് സയ്യിദ് മുഹമ്മദലി ശിഹാബ് തങ്ങളുടെ വേര്‍പാടിന്റെ പതിനാലാം വാര്‍ഷിക ദിനത്തില്‍ തങ്ങളുടെ ഖബറിടത്തില്‍ നേതാക്കളും പ്രവര്‍ത്തകരും പ്രാര്‍ത്ഥന നടത്തി.
ജീവിതത്തെ പൊതിഞ്ഞു പിടിച്ചിരുന്ന കരുതലും സ്‌നേഹവും ഇല്ലാതായ മറ്റൊരു ഓഗസ്റ്റ് ഒന്ന് കൂടി. സയ്യിദ് മുഹമ്മദലി ശിഹാബ് തങ്ങളുടെ ഓര്‍മ ദിനം. സത്യത്തില്‍ തങ്ങളെ ഓര്‍ക്കാത്ത ഒരു ദിവസം പോലും കടന്ന് പോയിട്ടില്ല. 14വര്‍ഷം, അതൊരു വലിയ കാലമാണ്. പക്ഷേ എല്ലാം ഇന്നലെ കഴിഞ്ഞതുപോലെ മനസ്സിലേക്ക് തികട്ടി വരുന്നുണ്ട്.
തങ്ങളില്ലാത്ത കാലത്ത് എന്റെ പ്രിയപ്പെട്ട തങ്ങള്‍ ഇല്ല എന്നത് ഒരു നൊമ്പരം തന്നെയാണ്. ശിഹാബ് തങ്ങള്‍ കൂടി ഉണ്ടായിരുന്നെങ്കില്‍ എന്ന് ആഗ്രഹിച്ച ഒരുപാട് മുഹൂര്‍ത്തങ്ങള്‍ ഉണ്ടായിട്ടുണ്ട്.
അദ്ദേഹം പകര്‍ന്നു തന്ന പാഠങ്ങള്‍ തന്നെയാണ് നാളിതുവരെ വഴി നടത്തിയത്. ആ വഴി വെളിച്ചം തന്നെയാണ് മുന്നോട്ടുള്ള പ്രയാണത്തിലെ കരുത്തും ആത്മ വിശ്വാസവുമെന്ന് പി.കെ. കുഞ്ഞാലിക്കുട്ടി പറഞ്ഞു.