ദുബൈ: ഒറ്റപ്പാലം മണ്ഡലം കെഎംസിസി സമാപന കൗണ്‍സില്‍ സംസ്ഥാന ഉപാധ്യക്ഷന്‍ മുഹമ്മദ് പട്ടാമ്പി ഉദ്ഘാടനം ചെയ്തു. മണ്ഡലം വൈസ് പ്രസിഡന്റ് സൈനുദ്ദീന്‍ ലക്കിടി അധ്യക്ഷത വഹിച്ച യോഗത്തില്‍ ജില്ലാ പ്രസിഡന്റ് ഫൈസല്‍ തുറക്കല്‍ മുഖ്യ പ്രഭാഷണം നടത്തി. ആരിഫ് റഹ്മാന്‍ ലക്കിടി സ്വാഗത മാശംസിച്ചു.
മണ്ഡലം സെക്രട്ടറി റിയാസ് വയനാടന്‍ പ്രവര്‍ത്തന റിപ്പോര്‍ട്ട് അവതരിപ്പിച്ചു. തുടര്‍ന്ന്, അബ്ദുറഹ്മാന്‍ കോളശ്ശേരി, ഉമ്മര്‍ പട്ടാമ്പി എന്നിവരുടെ നിയന്ത്രണത്തില്‍ പുതിയ കമ്മിറ്റി നിലവില്‍ വന്നു.
റിയാസ് വയനാടന്‍ ലക്കിടി പ്രസിഡണ്ടും, ഇഖ്ബാല്‍ പൂതന്‍കോടന്‍ തച്ചനാട്ടുകര ജന.സെക്രട്ടറിയും, ജാബിര്‍ വലിയപീടിക കരിമ്പുഴ ട്രഷററുമായി തെരഞ്ഞെടുക്കപ്പെട്ടു. മറ്റു ഭാരവാഹികള്‍: അബ്ബാസ് ടി.ടി തച്ചനാട്ടുകര, ഫൈസല്‍ ബാബു ഒറ്റപ്പാലം, ഖമറുദ്ദീന്‍ അമ്പലപ്പാറ, സൈനുദ്ദീന്‍ ലക്കിടി (വൈ.പ്രസി), ആരിഫ് റഹ്മാന്‍ ലക്കിടി, അന്‍സാര്‍ ഒറ്റപ്പാലം, യൂനുസ് ടി.പി തച്ചനാട്ടുകര, സാദിഖ് വയനാടന്‍ ലക്കിടി (സെക്ര). ഹമീദ് കെ.പി തച്ചനാട്ടുകര പുതിയ കൗണ്‍സിലറാണ്.
ദുബൈ-പാലക്കാട് ജില്ലാ കെഎംസിസി ജന.സെക്രട്ടറി ജംഷാദ് വടക്കേതില്‍, ഫൈസല്‍ ഹുദവി, അനീസ് വാഫി, മുഹമ്മദലി ടി.ടി പുതിയ കമ്മിറ്റിക്ക് ആശംസ നേര്‍ന്ന് സംസാരിച്ചു.