കോഴിക്കോട് : പി.എസ്.സി മെമ്പർമാരെ കോഴ വാങ്ങി നിയമനം നടത്താനുള്ള സിപിഎം നേതാക്കളുടെ ശ്രമം ഞെട്ടിക്കുന്നതാണ്. കോഴിക്കോട് ജില്ലയിലെ സിപിഐഎം നേതാക്കളുടെ പിന്തുണയോടെയാണ് ഈ അഴിമതി നടന്നു കൊണ്ടിരിക്കുന്നത്.
പി.എസ്.സി ഉദ്യോഗാർത്ഥികളിൽ നിന്ന് ഇൻറർവ്യൂ അട്ടിമറിച്ച് പണം സ്വരൂപിക്കാൻ ഈ രീതിയിൽ നിശ്ചയിക്കപ്പെടുന്ന മെമ്പർമാർക്ക് സൗകര്യമൊരുക്കുക കൂടിയാണ് ഭരിക്കുന്ന പാർട്ടിയുടെ നേതാക്കളുടെ നേതൃത്വത്തിൽ നടക്കുന്നത്. ഇത്തരം അഴിമതികൾ പാർട്ടി അന്വേഷണം നടത്തി അവസാനിപ്പിക്കാൻ അനുവദിക്കില്ല ലക്ഷകണക്കിന് ആളുകളെ ബാധിക്കുന്ന നിയമന തട്ടിപ്പ് ഇത്തരക്കാരുടെ നേതൃത്വത്തിൽ പി.എസ്.സിയിൽ നടക്കും ആയതിനാൽ സമഗ്രമായ അന്വേഷണങ്ങൾ നടത്തി പ്രതികളെ നിയമത്തിൻ്റെ മുമ്പിൽ കൊണ്ടു വരണം.
കോഴിക്കോട് ജില്ല കേന്ദ്രീകരിച്ച് ഈ രീതിയിലുള്ള അനധികൃതമായ പ്രവണതകൾ തുടരുമ്പോൾ പാർട്ടിയുടെ സമുന്നത നേതാക്കന്മാരുടെ പങ്കുകൂടി അന്വേഷിച്ച് തുടർഭരണത്തിന്റെ മറവിൽ കേരളത്തിലെ സാധാരണക്കാരെ വഞ്ചിക്കുന്ന സമീപനത്തെ തുറന്നുകാട്ടുക എന്ന ലക്ഷ്യത്തിൽ മുസ്‌ലിം യൂത്ത് ലീഗ് കോഴിക്കോട് ജില്ലാ കമ്മിറ്റിയുടെ നേതൃത്വത്തിൽ ജൂലൈ 15 തിങ്കൾ വൈകുന്നേരം 4 മണിക്ക് കോഴിക്കോട് മൊഫ്യൂഷൻ ബസ് സ്റ്റാൻഡിൽ വച്ച് “കുറ്റ വിചാരണ” സംഘടിപ്പിക്കുന്നു.
പ്രമുഖ നേതാക്കൾ പങ്കെടുക്കും ജില്ല ഭാരവാഹികളുടെ യോഗം ജില്ല പ്രസിഡൻറ് മിസ്ഹബ് കീഴരിയൂർ അധ്യക്ഷത വഹിച്ചു. ജനറൽ സെക്രട്ടറി ടി മൊയ്തീൻ കോയ സ്വാഗതവും സീനിയർ വൈസ് പ്രസിഡണ്ട് സി ജാഫർ സാദിഖ് നന്ദിയും പറഞ്ഞു. എ സിജിത്ത് ഖാൻ,എസ് വി ശൗലിക്ക്, ഷഫീക്ക് അരക്കിണർ, സൈദ് ഫസൽ, ഹാരിസ് കുത്തിക്കൊടി ,എംപി ഷാജഹാൻ, ശുഹൈബ് കുന്നത്ത് ,ഒ എം നൗഷാദ്, വി അബ്ദുൽ ജലീൽ, സിറാജ് ചിറ്റേടത്ത്,
കെ പി സുനീർ എന്നിവർ പങ്കെടുത്തു