തമിഴ്നാട്ടിലെ രാമനാഥപുരത്ത് മുസ്ലിം ലീഗിന്റെ നവാസ് ഗനി മുന്നില്. 1201 വോട്ടുകള്ക്കാണ് നവാസ് ഗനി ലീഡ് ചെയ്യുന്നത്. തമിഴ്നാട്ടിലെ 35 മണ്ഡലങ്ങളിലും ഇന്ത്യ സഖ്യമാണ് മുന്നിട്ടുനില്ക്കുന്നത്.
ദേശീയതലത്തില് എന്.ഡി.എ 301 സീറ്റുകളിലാണ് ലീഡ് ചെയ്യുന്നത്. 221 സീറ്റുകളില് ഇന്ത്യ സഖ്യം ലീഡ് ചെയ്യുന്നു. 400 സീറ്റ് കടക്കുമെന്ന അവകാശവാദവുമായി തെരഞ്ഞെടുപ്പിനെ നേരിട്ട എന്.ഡി.എക്ക് പ്രതീക്ഷിച്ച ഫലമുണ്ടാക്കാന് കഴിയുന്നില്ല എന്നതാണ് ഫലസൂചനകള് തെളിയിക്കുന്നത്. ഇന്ത്യ സഖ്യം 219നെക്കാള് 140 സീറ്റുകള് അധികം പിടിക്കുമെന്നാണ് ഇപ്പോഴുള്ള ഫലസൂചനകള് പറയുന്നത്.
യു.പി, മഹാരാഷ്ട്ര എന്നീ വലിയ സംസ്ഥാനങ്ങളില് ബി.ജെ.പിക്ക് വലിയ തിരിച്ചടിയാണ് ഉണ്ടായത്. മഹാരാഷ്ട്രയില് 23 സീറ്റുകളിലും ഉത്തര്പ്രദേശില് 42 സീറ്റുകളിലും ഇന്ത്യ സഖ്യമാണ് മുന്നിട്ടുനില്ക്കുന്നത്.