മുതലയുടെ വായില്‍ നിന്നും രണ്ട് വയസുകാരന്റെ മൃതദേഹം കണ്ടെത്തി. അമേരിക്കയിലെ ഫ്‌ളോറിഡയില്‍ നിന്നാണ് ഞെട്ടിക്കുന്ന സംഭവം. നേരത്തെ കുട്ടിയുടെ അമ്മയുടെ മൃതദേഹം വീട്ടില്‍ നിന്നും കണ്ടെത്തിയിരുന്നു. തുടര്‍ന്ന് പൊലീസ് നടത്തിയ തെരച്ചിലില്‍ സമീപത്തെ തടാകത്തില്‍ നിന്നും കുട്ടിയുടെ മൃതദേഹം കണ്ടെത്തുകയായിരുന്നു.
ടെയ്‌ലര്‍ മോസ്ലി എന്നാണ് കുട്ടിയുടെ പേര്. 20 വയസ്സുള്ള അമ്മ പശുന്‍ ജെഫറിയുടെ മൃതദേഹം കണ്ടെത്തിയതു മുതല്‍ ടെയ്‌ലറെ കാണാനില്ലായിരുന്നുവെന്ന് പൊലീസ് പറഞ്ഞു. വീട്ടില്‍ പത്ത് മൈല്‍ അകലെയുള്ള ഡെല്‍ ഹോംസ് പാര്‍ക്കില്‍ നിന്നാണ് കുട്ടിയുടെ മൃതദേഹം കണ്ടെത്തിയത്. ഈ പാര്‍ക്കിനടുത്ത് ഒരു തടാകമുണ്ട്. തടാകത്തിലെ മുതലയുടെ വായില്‍ നിന്നുമാണ് കുട്ടിയുടെ മൃതദേഹം ലഭിച്ചത്.
കുട്ടിയുടെ പിതാവ് 21 കാരനായ തോമസ് മോസ്‌ളിയാണ് ഭാര്യയെ കൊലപ്പെടുത്തിയതെന്നും ഇയാള്‍ക്കെതിരെ കൊലപാതകത്തിന് കേസെടുത്തിട്ടുണ്ടെന്നും പൊലീസ് മേധാവി പറഞ്ഞു.