ബെയ്ജിംഗ്: ചൈനക്കെതിരെയല്ല ഇന്ന് അര്‍ജന്റീന കളിക്കുന്നത്. ഓസ്ട്രേലിയയാണ് പ്രതിയോഗികള്‍. പക്ഷേ ഒരു ടിക്കറ്റും കിട്ടാനില്ല. ലിയോ മെസിയെ കാണാനുള്ള ചൈനക്കാരുടെ മോഹത്തില്‍ ഓസ്ട്രേലിയക്കാര്‍ക്ക് പോലും ടിക്കറ്റ് കിട്ടാത്ത സൗഹൃദ മല്‍സരം ഇന്ന് വൈകീട്ട് 5-30 ന്.
ഖത്തര്‍ ലോകകപ്പില്‍ മുഖാമുഖം വന്നവരാണ് അര്‍ജന്റീനയും ഓസ്ട്രേലിയയും. 2-1 ന് അന്ന് ജയിച്ചത് മെസിയും സംഘവുമായിരുന്നു. ലോകകപ്പ് സ്വന്തമാക്കിയ ശേഷം വിജയ യാത്ര തുടരുന്ന മെസിയെയും സംഘത്തെയും പിടിച്ചുകെട്ടാന്‍ ഓസ്ട്രേലിയക്കാവുമോ എന്ന് ഇന്നറിയാം.