ഫ്‌ളോറിഡ: വന്‍ വരവേല്‍പ്പ് ലഭിച്ചതിന് പിറകെ ഇന്റര്‍ മിയാമിയുടെ ജഴ്‌സിയില്‍ മെസിയുടെ ആദ്യ മല്‍സരം ഈ മാസം 21 നായിരിക്കും. ലീഗ്‌സ് കപ്പിലെ ആദ്യ മല്‍സരത്തില്‍ ഇന്റര്‍ മിയാമിയുടെ പ്രതിയോഗികള്‍ മെക്‌സിക്കന്‍ ക്ലബായ ക്രുസ് അസുലായിരിക്കും. മെസിക്കൊപ്പം അദ്ദേഹത്തിന്റെ രണ്ട് ഉറ്റ മിത്രങ്ങളും ക്ലബിലുണ്ട്. ബാര്‍സിലോണയുടെ മുന്‍ താരം സെര്‍ജി ബുസ്‌ക്കിറ്റസും കോച്ച് ജെറാര്‍ഡോ മാര്‍ട്ടീനോയും.
ബാര്‍സിലോണയില്‍ മെസിക്കൊപ്പം ദീര്‍ഘകാലം കളിച്ച താരമാണ് ബുസ്‌ക്കിറ്റസ്. അവസാന സീസണിലാണ് അദ്ദേഹം ബാര്‍സ വിട്ടത്. ബാര്‍സിലോണയിലും അര്‍ജന്റീനയിലും മെസിയുടെ കോച്ചായിരുന്നു മാര്‍ട്ടിനസ്. ഇരുവരും വീണ്ടും ഒരുമിക്കുകയാണ്.