മാവൂര്‍ കച്ചേരികുന്ന് മുല്ലപ്പള്ളി വീണുഗോപാലിന്റെ ഭാര്യ ബിന്ദു (48)നെ ആണ് വീടിന് സമീപത്തെ കുളത്തില്‍ വീണ് മരണപ്പെട്ടതായി കണ്ടെത്തിയത്.
വൈകുന്നേരം നാലുമണിയോടെ ഇവരെ കാണാതായതിനെ തുടര്‍ന്ന് വീട്ടുകാര്‍ തിരച്ചില്‍ നടത്തിയിരുന്നു. അതിനിടയില്‍ വീടിനു സമീപത്തെ കുളത്തിന്‍കരയില്‍ ചെരുപ്പ് കണ്ടെത്തി. സംശയം തോന്നിയതിനെ തുടര്‍ന്ന് വീട്ടുകാരും പരിസരവാസികളും കുളത്തില്‍ തിരിച്ചില്‍ നടത്തിയെങ്കിലും കണ്ടെത്താനായില്ല.
തുടര്‍ന്ന് മുക്കം ഫയര്‍ യൂണിറ്റില്‍ വിവരമറിയിച്ചു. ഇവിടെ നിന്നും എത്തിയ ഫയര്‍ യൂണിറ്റ് അംഗങ്ങള്‍ കുളത്തില്‍ നടത്തിയ തിരച്ചിലില്‍ കുളത്തിനടിയില്‍ നിന്നും ഇവരെ കണ്ടെത്തുകയായിരുന്നു. എന്നാല്‍ അപ്പോഴേക്കും മരണം സംഭവിച്ചു. തുടര്‍ന്ന് മൃതദേഹം കോഴിക്കോട് മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.രക്ഷാപ്രവര്‍ത്തനത്തിന് മുക്കം ഫയര്‍ യൂണിറ്റ് സീനിയര്‍ ഓഫീസര്‍ അബ്ദുല്‍ ഷുക്കൂര്‍ നേതൃത്വം നല്‍കി.