മധുരയില്‍നിന്ന് ചെങ്കോട്ട പാതയിലൂടെ കൊല്ലം വഴി ഗുരുവായൂരിലേക്കുള്ള ഇന്റര്‍സിറ്റി എക്‌സ്പ്രസ് ഓടിത്തുടങ്ങി. മധുരചെങ്കോട്ട, ചെങ്കോട്ട കൊല്ലം, പുനലൂര്‍ഗുരുവായൂര്‍ എന്നീ ട്രെയിനുകളെ ഒറ്റ സര്‍വീസാക്കിയാണ് ഇന്റര്‍സിറ്റി എക്‌സ്പ്രസ് ഓടിത്തുടങ്ങുന്നത്. മധുരയില്‍നിന്ന് രാവിലെ 11.20നാണ് ട്രെയിന്‍ ആദ്യമായി സര്‍വീസ് തുടങ്ങിയത്.
മധുരയില്‍ നിന്ന് പകല്‍ 11.20 ന് പുറപ്പെടുന്ന ട്രെയിന്‍ വൈകീട്ട് ആറിന് പുനലൂരും 6.30ന് കൊട്ടാരക്കരയിലും 7.30ന് കൊല്ലത്തും എത്തും. കൊല്ലത്തു നിന്നും കോട്ടയം, എറണാകുളം, തൃശൂര്‍ വഴി പിറ്റേന്ന് പുലര്‍ച്ചെ 2.10ന് ഗുരുവായൂരിലെത്തും.
തിരികെ ഗുരുവായൂര്‍മധുര തീവണ്ടിയുടെ ആദ്യ യാത്ര തിങ്കളാഴ്ച തുടങ്ങും. എല്ലാ ദിവസവും പുലര്‍ച്ചെ 5.50ന് ഗുരുവായൂരില്‍ നിന്നും പുറപ്പെടുന്ന ട്രെയിന്‍ ഉച്ചയ്ക്ക് 12.10ന് കൊല്ലത്തും 12.54 ന് കൊട്ടാരക്കരയിലും 1.20 ന് പുനലൂരും എത്തിച്ചേരും. രാത്രി 7.15 നാണ് ട്രെയിന്‍ മധുരയില്‍ യാത്ര അവസാനിക്കുക.