ലിജോ ജോസ് പെല്ലിശ്ശേരി- മോഹന്‍ലാല്‍ ചിത്രം ‘മലൈക്കോട്ടൈ വാലിബന്‍’ സിനിമയുടെ ചിത്രീകരണം ഈ മാസം 18ന്. ആരാധകര്‍ ഏറെ നാളായി കാത്തിരിക്കുന്ന സിനിമയാണിത്. സിനിമയുടെ പോസ്റ്റര്‍ പുറത്തുവിട്ടതു തന്നെ സിനിമ ആരാധകര്‍ക്കിടയില്‍ വലിയ ഓളമാണ് ഉണ്ടാക്കിയിരുന്നത്. രാജസ്ഥാനിലെ ജെയ്‌സാല്‍മറീലാണ് ഷൂട്ടിങ്ങെന്ന് എന്റര്‍ടൈന്‍മെന്റ് ഇന്‍ഡസ്ട്രി ട്രാക്കര്‍ ശ്രീധര്‍ പിള്ള ട്വീറ്റ് ചെയ്തു.
ഗുസ്തിക്കാരാനായാണ് മോഹന്‍ലാല്‍ വേഷമിടുന്നതെന്നാണ് റിപ്പോര്‍ട്ട്. മോഹന്‍ലാല്‍ ചെയ്തു കാണണമെന്ന് താന്‍ വ്യക്തിപരമായി ആഗ്രഹിക്കുന്ന കഥാപാത്രമാണ് മലൈക്കോട്ടൈ വാലിബനെന്ന് ലിജോ ജോസ് പറയുകയുണ്ടായി.ല ‘മമ്മുക്കയെ നമുക്ക് എങ്ങനെ ഓണ്‍സ്‌ക്രീന്‍ കാണണം, എന്തുതരം കഥാപാത്രം ചെയ്തുകാണണം എന്ന് ഞാന്‍ ആഗ്രഹിച്ചതുപോലെ ലാലേട്ടന്‍ ചെയ്തു കാണണമെന്ന് ആഗ്രഹിക്കുന്ന ഒരു കഥാപാത്രം തന്നെയാകും മലൈക്കോട്ടൈ വാലിബനില്‍’.