ഓള്‍ ഇന്ത്യ കെ.എം.സി.സി ജനറല്‍ കൗണ്‍സില്‍ യോഗം 15ന് രാവിലെ 11 മുതല്‍ ഹൈദരാബാദ് നാം പള്ളിയിലുള്ള ക്വാളിറ്റി ഇന്‍ റസിഡന്‍സിയില്‍ നടക്കും. സംഘടനയുടെ പുതിയ അഖിലേന്ത്യ കമ്മിറ്റിയെ തിരഞ്ഞെടുക്കും. ആന്‍ഡമാന്‍-നിക്കോബാര്‍ ദ്വീപിലടക്കം 11 സംസ്ഥാനങ്ങളില്‍ പ്രവര്‍ത്തിക്കുന്ന കെ.എം.സി.സിക്ക് കീഴില്‍ ശിഹാബ് തങ്ങള്‍ സെന്റര്‍ ഫോര്‍ ഹ്യൂമാനിറ്റി, ഖാഇദമില്ല സെന്റര്‍ ഫോര്‍ ഹ്യൂമാനിറ്റി തുടങ്ങിയ വഴി നൂറുക്കണക്കിന് രോഗികള്‍ക്കും കുടുംബങ്ങള്‍ക്കും താങ്ങാകുന്നുണ്ട്. കെ.എം.സി.സിയുടെ നേതൃത്വത്തില്‍ മുസ്‌ലിം ലീഗ് അഖിലേന്ത്യാ സമ്മേളനത്തോടനുബന്ധിച്ച് സമൂഹ വിവാഹവും ഒരുക്കിയിരുന്നു.