ഇന്ത്യ പ്രതിപക്ഷ സഖ്യയോഗം ഇന്നലെ രൂപീകരിച്ച ഏകോപന സമിതിയിലേക്ക് പാര്‍ട്ടിനേതാവിന്റെ പേര് കൊടുക്കാനാവാതെ സി .പി.എം. 14 അംഗ സമിതിയിലേക്ക് 13 പേരെയും തെരഞ്ഞെടുത്തിട്ടും സി.പി.എം മാത്രം പേര് കൊടുത്തില്ല. പാര്‍ട്ടിയില്‍ തീരുമാനമാകാത്തതാണ് കാരണം.
പ്രചാരണസമിതിയിലേക്ക് പ്രതിനിധിയുടെ പേര് നല്‍കിയെങ്കിലും ഉന്നതസമിതിയിലേക്ക് നേതാവിനെ കണ്ടെത്താന്‍ സി.പി.എമ്മിന് കഴിഞ്ഞില്ലെന്നാണ് ആരോപണം. കോണ്‍ഗ്രസ് ,ഡി.എം.കെ ,എന്‍.സി.പി ,ശിവസേന ,ആപ് ,എസ്.പി ,ജെ.ഡി. യു ,സി.പി.ഐ , പി.ഡി.പി ,ആര്‍. ജെ.ഡി ജെ.എം.എം, , സി.പി.എം കക്ഷികളെയാണ് ഉള്‍പ്പെടുത്തിയിട്ടുള്ളത്.