ഷാർജ: ഇൻകാസ് ഷാർജ കോഴിക്കോട് ജില്ലാ കമ്മിറ്റി സംഘടിപ്പിച്ച “പ്രവർത്തക സംഗമം” ഇന്ത്യൻ അസോസിയേഷൻ ഷാർജ ആക്ടിംഗ് പ്രസിഡണ്ടും, ഇൻകാസ് ഷാർജ ട്രഷററുമായ മാത്യു ജോൺ ഉദ്ഘാടനം ചെയ്തു. മുൻ മുഖ്യമന്ത്രി ഉമ്മൻ ചാണ്ടിയുടെ അനുസ്മരണവും നടത്തി.പ്രവാസികളായ സാധാരണക്കാരുടെ വിഷയങ്ങളിൽ പ്രത്യേകം ശ്രദ്ധ പതിപ്പിച്ചിരുന്ന നേതാവായിരുന്നു ഉമ്മൻ ചാണ്ടിയെന്നും, സ്നേഹവും കരുതലും നൽകി പ്രവാസികളെ ചേർത്ത് പിടിച്ച ഭരണാധികാരി കൂടിയായിരുന്നു അദ്ദേഹമെന്നും ഉദ്ഘാടന പ്രസംഗത്തിൽ മാത്യു ജോൺ പറഞ്ഞു.
ജില്ലാ പ്രസിഡണ്ട് നൗഷാദ് മന്ദങ്കാവ് അദ്ധ്യക്ഷത വഹിച്ചു. ഇഖ്ബാൽ ചെക്യാട് സംസാരിച്ചു. ടി.കെ.അബ്ദുൽ ജലീൽ സ്വാഗതവും സൂരജ് സൂര്യ കുന്ദമംഗലം നന്ദിയും പറഞ്ഞു.അഡ്വ.അജിത്ത് കുമാർ, സതീഷ് നമ്പിയത്ത്, കമാൽ കൊടിയത്തൂർ, ഷാജി വടകര, അഡ്വ. എൻ.പി ഷംസുദ്ദീൻ, ഷംസീർ നാദാപുരം, ശനസ് തിക്കോടി, ഷെജാസ് ഒതയോത്ത്, ബിജീഷ് ബാലകൃഷ്ണ, ആസിഫ് കുറ്റിച്ചിറ, ഇ.വി ഷംസുദ്ദീൻ, ജാബിർ പൂനൂർ, ബ്രിനേഷ് ശിവരാമൻ, ജംഷീർ വി.ടി മാവൂർ, പ്രേമൻ തൊട്ടിൽപ്പാലം, സജിൽ കുന്ദമംഗലം,സുബിൻ വാകയാട് എന്നിവർ ചർച്ചയിൽ പങ്കെടുത്ത് സംസാരിച്ചു. ജില്ലാ കമ്മിറ്റി നടത്തുന്ന വിവിധ പ്രവർത്തനങ്ങൾക്ക് രൂപരേഖ തയ്യാറാക്കി.