‘ചായയ്ക്ക് മധുരം പോര’; ഹോട്ടലുടമയെ കുത്തി പരിക്കേല്‍പ്പിച്ചു

മലപ്പുറം: താനൂര്‍ ചായയില്‍ മധുരം കുറഞ്ഞതിന് ഹോട്ടലുടമയെ കുത്തിപരിക്കേല്‍പ്പിച്ചു. ഇന്ന് പുലര്‍ച്ചെയാണ് അങ്ങാടിയിലെ ടി.എ റസ്റ്റോറന്റ് ഉടമ മനാഫിനാണ് കത്തിക്കുത്തില്‍ ഗുരുതര പരിക്കേറ്റത്. ചായ കുടിക്കാനെത്തിയ ആള്‍ മധുരം പോര എന്നാരോപിച്ച് തര്‍ക്കിക്കുന്നതിനിടയിലാണ് ഹോട്ടലുടനയെ കുത്തിയത്. പ്രതിയെ താനൂര്‍ പൊലീസ് അറസ്റ്റ് ചെയ്ത് കസ്റ്റഡിയിലെടുത്തു. സംഭവം നടന്ന ഉടന്‍ മനാഫിനെ തിരൂര്‍ ജില്ലാശുപത്രിയില്‍ എത്തിക്കുകയും പിന്നീട് അവിടെനിന്ന് മഞ്ചേരി മെഡിക്കല്‍ കോളേജിലേക്ക് മാറ്റി. ഡോക്ടര്‍മാരുടെ നിര്‍ദേശപ്രകാരം അവിടെനിന്നും കോഴിക്കോട് മെഡിക്കല്‍ കോളേജിലേക്ക് മറ്റേണ്ടതായി വന്നു. സംഭവത്തെ തുടര്‍ന്ന് താനൂരില്‍ വ്യപാരി സംഘടനകള്‍ ഉച്ചവരെ ഹര്‍ത്താലിന് ആഹ്വാനം ചെയ്തു.