സാഫ് ഫുട്‌ബോള്‍ ചാമ്പ്യന്‍ഷിപ്പില്‍ പാകിസ്താനെ തകര്‍ത്ത് ഇന്ത്യ. ഈ വിജയത്തോടെ ഇന്ത്യ ഗ്രൂപ്പ് എ യില്‍ ഒന്നാമതെത്തി. ഇന്ത്യക്കായി നായകന്‍ സുനില്‍ ഛേത്രി ഹാട്രിക് ഗോളുകള്‍ നേടിയപ്പോള്‍ ഉദാന്ത സിങിന്റെ വകയായിരുന്നു നാലാം ഗോള്‍.
കളിയിലൂടനീളം ടീം ഇന്ത്യയുടെ ആധിപത്യം തകര്‍ക്കാന്‍ പാകിസ്താന് സാധിച്ചിരുന്നില്ല. 10-ാം മിനുറ്റില്‍ പാകിസ്താന് ഗോള്‍കീപ്പര്‍ സാഖിബ് ഹനീഫിന്റെ പിഴവില്‍ നിന്നാണ് ഇന്ത്യന്‍ നായകന്‍ സുനില്‍ ഛേത്രിയുടെ ആദ്യ ഗോള്‍ പിറന്നത്. 16-ാം മിനിറ്റില്‍ പെനാല്‍റ്റിയിലൂടെ ഛേത്രി ലീഡുയര്‍ത്തി. 74-ാം മിനിറ്റില്‍ ലഭിച്ച മറ്റൊരു പെനാല്‍റ്റി ലക്ഷ്യത്തിലെത്തിച്ച് ഛേത്രി ഹാട്രിക് പൂര്‍ത്തിയാക്കി.
74ാം മിനുറ്റില്‍ ലഭിച്ച പെനല്‍റ്റി ഛേത്രി ലക്ഷ്യത്തിലെത്തിച്ചതോടെ ഇന്ത്യയുടെ ലീഡ് നില മൂന്നായി. 81ാം മിനുറ്റില്‍ പകരക്കാരന്‍ ഉദാന്ത സിങ് കൂടി ഗോള്‍ നേടിയതോടെ ഇന്ത്യയുടെ ഗോള്‍ നേട്ടം നാലായി. ഇതോടെ ഇന്ത്യയുടെ ജയം ഉറപ്പായി.