വിവിധ മത വിഭാഗങ്ങളുള്ള മതേതരത്വ ഇന്ത്യയില്‍ റമദാന്‍ അതിന്റെ പൂര്‍ണതയോടു കൂടി അനുഷ്ടിക്കുന്നുണ്ടന്നും അതിനനുസൃതമായി കുവൈത്തിലും ഗ്രാന്‍ഡ് ഇഫ്താര്‍ സംഘടിപ്പിച്ച കുവൈത്ത് കെ.എം.സി.സി. യെ മുക്തകണ്ഠം പ്രശംസിക്കുന്നതായും കുവൈത്തിലെ ഇന്ത്യന്‍ അംബാസഡര്‍ ഡോ.ആദര്‍ശ് സൈ്വക പറഞ്ഞു. കുവൈത്ത് കെ.എം.സി.സി. അബ്ബാസിയ യുണൈറ്റഡ് ഇന്ത്യന്‍ സ്‌കൂളില്‍ സംഘടിപ്പിച്ച ഇഫ്താര്‍ മീറ്റ് ഉദ്ഘാടനം ചെയ്ത് സംസാരിക്കുകയായിരുന്നു അംബാസഡര്‍. ഈ ഇഫ്താര്‍ ഒരു മതസൗഹാര്‍ദ്ധ വേദിയാണെന്നും മുഴുവന്‍ ഇന്ത്യക്കാര്‍ക്കും റമദാന്‍ ആശംസകള്‍ നേരുന്നതായും അദ്ദേഹം പറഞ്ഞു. സ്ത്രീകളും കുട്ടികളുമടക്കം വന്‍ ജനസാന്നിധ്യം കൊണ്ട് ശ്രദ്ധേയമായ ഇഫ്താര്‍ മീറ്റില്‍ കുവൈത്ത് കെ.എം.സി.സി. പ്രസിഡണ്ട് ശറഫുദ്ധീന്‍ കണ്ണേത്ത് അധ്യക്ഷനായിരുന്നു.
ഇന്ത്യന്‍ എംബസി ഫസ്റ്റ് സെക്രട്ടറി കമല്‍ സിംഗ് റാത്തോര്‍, ഫിമ പ്രസിഡന്റ് സലിം ദേശായ്, കെ.എം.സി.സി. ഉപദേശക സമിതി ചെയര്‍മാന്‍ സയ്യിദ് നാസര്‍ അല്‍ മശ്ഹൂര്‍ തങ്ങള്‍, മെഡ്എക്‌സ് പ്രസിഡണ്ട് ആന്‍ഡ് സി.ഇ.ഒ. പി.വി.മുഹമ്മദലി, മലബാര്‍ ഗോള്‍ഡ് ആന്‍ഡ് ഡയമണ്ട് റീജിയണല്‍ മാനേജര്‍ അഫ്‌സല്‍ ഖാന്‍, ഉപദേശക സമിതി വൈസ് ചെയര്‍മാന്‍ കെ.ടി.പി.അബ്ദുറഹിമാന്‍ ആശംസകളര്‍പ്പിച്ചു.
ഇസ്മായില്‍ ഹുദവി (കെ.ഐ.സി.) ഉദ്‌ബോധന പ്രസംഗം നടത്തി. നിസാര്‍ മൗലവി (കെ.എന്‍.എം. ഹുദാ സെന്റര്‍), ശരീഫ് (കെ.ഐ.ജി.), മൊയ്തീന്‍ കുട്ടി (ലുലു), കൃഷ്ണന്‍ കടലുണ്ടി (ഒ.ഐ.സി.സി.), റിവെന്‍ ഡിസൂസ (ടൈംസ് കുവൈത്ത്), സിദ്ധീഖ് വലിയകത്ത്, ബഷീര്‍ ബാത്ത, ഹമീദ് കേളോത്ത്, ഹബീബുള്ള മുറ്റിച്ചൂര്‍, ഡോ. ഹിദായത്തുള്ള (ഖായിദെ മില്ലത്ത് കള്‍ച്ചറല്‍ ഫോറം), റിജിന്‍ രാജ് , അഡ്വ.ബഷീര്‍ (മലപ്പുറം അസോസിയേഷന്‍), നിസാം തിരുവനന്തപുരം (ഓ.ഐ.സി.സി), ഹനീഫ് കോഴിക്കോട്, അസീസ് തിക്കോടി, പി.വി.നജീബ് (കോഴിക്കോട് ജില്ലാ അസോസിയേഷന്‍), അനില്‍ പി.അലക്‌സ് (മംഗളം), നിജാസ് കാസിം, ഷാജഹാന്‍ (വിബ്ജിയോര്‍), സലിം കോട്ടയില്‍ (മീഡിയ വണ്‍), എ.കെ. മഹ്മൂദ്, അന്‍വര്‍ ഹുസൈന്‍ (ആന്ധ്രാ) എന്നിവര്‍ വിശിഷ്ടാതിഥികളായി ഇഫ്താര്‍ മീറ്റില്‍ പങ്കെടുത്തു.
കെ.എം.സി.സി. ഭാരവാഹികളായ മുഹമ്മദ് അസ്ലം കുറ്റിക്കാട്ടൂര്‍, എന്‍.കെ.ഖാലിദ് ഹാജി, ശഹീദ് പാട്ടില്ലത്, ഹാരിസ് വള്ളിയോത്ത്, സിറാജ് എരഞ്ഞിക്കല്‍, എഞ്ചിനീയര്‍ മുഷ്താഖ്, ശരീഫ് ഒതുക്കുങ്ങല്‍, റസാഖ് അയ്യൂര്‍ ഇഫ്റ്റാറിന്റെ ഒരുക്കങ്ങള്‍ക്ക് നേതൃത്വം നല്‍കി. വിവിധ ജില്ലാ-മണ്ഡലം ഭാരവാഹികള്‍, വൈറ്റ് ഗാര്‍ഡ് അംഗങ്ങള്‍ ഇഫ്താര്‍ നിയന്ത്രിച്ചു. ആക്ടിങ് ജനറല്‍ സെക്രട്ടറി ടി.ടി.ഷംസു സ്വാഗതവും ട്രഷറര്‍ എം.ആര്‍.നാസര്‍ നന്ദിയും പറഞ്ഞു.