കരിപ്പൂര്‍ വിമാനത്താവളം വഴി കടത്താന്‍ ശ്രമിച്ച ഒരു കോടിയുടെ സ്വര്‍ണ്ണം പിടികൂടി. കോഴിക്കോട് നരിക്കുനി സ്വദേശി അസ്മാബീവിയെയാണ് കസ്റ്റംസ് അറസ്റ്റ് ചെയ്തത്‌. അടിവസ്ത്രത്തില്‍ ഒളിപ്പിച്ചു കടത്താനായിരുന്നു ശ്രമം.
ദുബായില്‍ നിന്ന് എയര്‍ ഇന്ത്യ വിമാനത്തിലാണ് അസ്മാബീവിയെത്തിയത്. സ്വര്‍ണം രണ്ട് പേക്കറ്റുകളിലായി ഒളിപ്പിച്ച നിലയിലായിരുന്നു. രഹസ്യവിവരത്തെ തുടര്‍ന്ന് നടത്തിയ പരിശോധനയിലാണ് യുവതി പിടിയിലായത്. കഴിഞ്ഞ ദിവസങ്ങളില്‍ കരിപ്പൂരില്‍ വന്‍തോതില്‍ സ്വര്‍ണം പിടികൂടിയിരുന്നു.