പാലക്കാട് ഒറ്റപ്പാലത്ത് വിവാഹമോചന കേസുമായി ബന്ധപ്പെട്ട് കോടതിയിലെത്തിയ യുവതിക്കു വെട്ടേറ്റു. മനിശേരി സ്വദേശിനി സുബിതയ്ക്കാണ് വെട്ടേറ്റത്. സംഭവത്തില്‍ സുബിതയുടെ മുന്‍ ഭര്‍ത്താവ് രഞ്ജിത്തിനെ പൊലീസ് കസ്റ്റഡിയിലെടുത്തു. തിങ്കളാഴ്ച രാവിലെ 11 മണിയോടെ കോടതിയ്ക്കു സമീപത്തുവച്ചാണ് ആക്രമണമുണ്ടായത്. കൈക്ക് ഗുരുതരമായി പരിക്കേറ്റ സുബിതയെ താലൂക്ക് ആശുപത്രിയില്‍ പ്രവേശിപ്പിച്ചു. പ്രാഥമിക ചികിത്സയ്ക്കു ശേഷം തൃശൂര്‍ മെഡിക്കല്‍ കോളേജിലേക്കു കൊണ്ടുപോയി.