സി.പി.എമ്മിനെ വിമര്‍ശിച്ചതിന് വാട്‌സാപ് ഗ്രൂപ്പ് അഡ്മിന്‍മാരോട് പൊലീസ് സ്റ്റേഷനില് ഹാജരാകാന്‍ നിര്‍ദേശിച്ചതായി പരാതി. കോട്ടയം മൂന്നിലവിലാണ് സംഭവം. ‘നമ്മുടെ മൂന്നിലവ്’ എന്ന പേരിലുള്ള വാട്‌സാപ് ഗ്രൂപ്പിലാണ് പോസ്റ്റുകള്‍ ഷെയര്‍ ചെയ്യപ്പെട്ടത്.
സി.പി.എം മൂന്നിലവ് ലോക്കല്‍ സെക്രട്ടറി സതീഷിന്റെ പരാതിയില്‍ ഗ്രൂപ്പ് അഡ്മിന്മാരായ റിജില്‍, ജോബി, ജോണ്‍സണ്‍ എന്നിവരോടെയാണ് സ്റ്റേഷനില് എത്താന്‍ പൊലീസ് ആവശ്യപ്പെട്ടത്. മതസ്പര്‍ധ ഉണ്ടാക്കുന്ന പോസ്റ്റുകള്‍ ഷെയര്‍ ചെയ്യുകയും വ്യക്തിപരമായി അധിക്ഷേപിക്കുകയും ചെയ്തതിനാലാണ് പരാതി നല്‍കിയതെന്നാണ് സി.പി.എമ്മിന്റെ വിശദീകരണം.