റിയാദ്:വലിയ തുക വാഗ്ദാനം ചെയ്തു. പക്ഷേ ലിയോ മെസി ആ വഴിക്ക് വന്നില്ല. അര്‍ജന്റീനക്കാരന്‍ ഇന്റര്‍ മിയാമിയിലേക്ക് പോയെങ്കിലും സഊദി പ്രോ ലീഗ് ക്ലബായ അല്‍ ഹിലാല്‍ നിരാശരല്ല. അവര്‍ ഇപ്പോള്‍ നെയ്മറിന് പിറകെയാണ്. അല്‍ നസര്‍ ഏത് വിലക്കാണോ കൃസ്റ്റിയാനോ റൊണാള്‍ഡോയെ സ്വന്തമാക്കിയത് ആ വില നെയ്മറിന് നല്‍കുമെന്നാണ് വാഗ്ദാനം.
പി.എസ്.ജിയില്‍ 2025 വരെ കരാറുള്ള നെയ്മര്‍ വരുമോ എന്നറിയില്ല. പി.എസ്.ജിക്ക് നെയ്മറിനോട് താല്‍പ്പര്യക്കുറവുണ്ട്. അവരുടെ ആരാധകര്‍ പ്രതിഷേധവുമായി ബ്രസീലുകാരന്റെ പാരിസിലെ അപ്പാര്‍ട്ട്‌മെന്റ് വരെ എത്തിയവരാണ്. മെസി പോയി, കിലിയന്‍ എംബാപ്പേ പോവാന്‍ നില്‍ക്കുന്നു. അപ്പോള്‍ പിന്നെ നെയ്മറും പോയാല്‍ എന്തായിരിക്കും ടീമിന്റെ അവസ്ഥ എന്ന ചോദ്യം ബാക്കി നില്‍ക്കുമ്പോഴും ആവശ്യപ്പെടുന്ന ട്രാന്‍സ്ഫര്‍ തുക ഹിലാല്‍ നല്‍കാന്‍ തയ്യാറായാല്‍ പി.എസ്.ജി നെയ്മറെ വിട്ടുനല്‍കും. പക്ഷേ അന്തിമ തീരുമാനം നെയ്മറിന്റേതാണ്. യൂറോപ്പ് വിട്ട് ഏഷ്യയിലേക്ക് പോവണോ അതോ പ്രീമിയര്‍ ലീഗില്‍ നിന്നും മാഞ്ചസ്റ്റര്‍ യുനൈറ്റഡ് പോലുള്ളവരുടെ ക്ഷണം സ്വീകരിക്കണോ…