കോഴിക്കോട്: യാത്രക്കാരെ കടുത്ത ദുരിതത്തിലാഴ്ത്തി കരിപ്പൂര്‍ അന്താരാഷ്ട്ര വിമാനത്താവളത്തില്‍ നിന്നുള്ള എയര്‍ ഇന്ത്യ എക്‌സ്പ്രസ് വിമാനം. കരിപ്പൂര്‍- ദുബായ് വിമാനമാണ് പുറപ്പെടാന്‍ വൈകിയത്. രാവിലെ 8 മണിക്ക് പോകേണ്ട വിമാനമാണ് സാങ്കേതിക തകരാറിനെ തുടര്‍ന്ന് വൈകിയത്.
വിമാനം വൈകിയതിന് കൃത്യമായ വിശദീകരണം നല്‍കാനോ പരിഹാരം കാണാനോ അധികൃതര്‍ തയ്യാറായിരുന്നില്ല. യാത്രക്കാര്‍ ബഹളം വച്ചതോടെയാണ് ഇവരെ റൂമുകളിലേക്ക് മാറ്റാന്‍ തയ്യാറായത്. ടിക്കറ്റ് കാന്‍സല്‍ ചെയ്യണമെന്നുള്ളവര്‍ക്ക് അങ്ങനെ ചെയ്യാമെന്ന് അറിയിച്ചെങ്കിലും പണം തിരികെ നല്‍കുന്ന കാര്യത്തില്‍ വ്യക്തത വരുത്തിയിരുന്നില്ല.