കണ്ണൂര്‍: നടുവില്‍ പഞ്ചായത്തിലെ മഞ്ഞുമല കരിങ്കല്‍ ക്വാറിയില്‍ മണ്ണുമാന്തി യന്ത്രം ദേഹത്തുവീണ് യുവാവ് മരിച്ചു. കര്‍ണാടക കുടക് ജില്ലയിലെ സോമവാര്‍പേട്ട താലൂക്കിലെ മാതാപുരത്തെ പരേതനായ മുഹമ്മദലിയുടെയും ഖദീജയുടെയും മകന്‍ റഷീദ് (36 ) ആണ് മരിച്ചത്. ഞായറാഴ്ച വൈകിട്ട് നാലോടെ ആയിരുന്നു ദാരുണമായ അപകടം.
ആറുവര്‍ഷമായി ക്വാറിയില്‍ സൂപ്പര്‍വൈസറായി ജോലി ചെയ്തു വരികയായിരുന്നു റഷീദ്. ഭാര്യ: സെറീന. മക്കള്‍: ഫാത്തിമത്ത് സോലിയ, ശിഫാ ഫാത്തിമ, റിസ് വ ഫാത്തിമ. സഹോദരങ്ങള്‍: ഷുക്കൂര്‍, സക്കീന.
മൃതദേഹം പരിയാരം കണ്ണൂര്‍ ഗവ. മെഡിക്കല്‍ കോളേജില്‍ പോസ്റ്റ്‌മോട്ടത്തിനു ശേഷം സ്വദേശത്തേക്ക് കൊണ്ടുപോകും.