ഇന്‍സ്റ്റഗ്രാമിലൂടെ പരിചയപ്പെട്ട പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റില്‍. ആലപ്പുഴ കൈനകരി സ്വദേശി സഞ്ജുവാണ് പിടിയിലായത്.
തിരുവല്ല പുളികീഴ് സ്റ്റേഷന്‍ പരിധിയില്‍പെട്ട 17കാരിയാണ് പീഡനത്തിനിരയായത്. ഇരുവരും തമ്മില്‍ സാമൂഹ്യ മാധ്യമം വഴി പരിചയപ്പെടുകയും തുടര്‍ന്ന് അടുപ്പത്തിലാവുകയുമായിരുന്നു.
സൗഹൃദം മുതലെടുത്ത് സഞ്ജു പെണ്‍കുട്ടിയെ ലൈംഗികമായി ചൂഷണം ചെയ്തുവെന്നാണ് പരാതി. തുടര്‍ന്ന് വൈദ്യ പരിശോധനയ്ക്ക് വിധേയമാക്കിയപ്പോള്‍ കാര്യങ്ങള്‍ തെളിയുകയും ചെയ്തു. മംഗലാപുരത്ത് പഠിക്കുകയായിരുന്ന യുവാവിനെ മംഗലാപുരത്ത് എത്തിയാണ് പൊലീസ് അറസ്റ്റ് ചെയ്തത്.