മലപ്പുറം കരുളായായില്‍ സ്‌കൂള്‍ അധ്യാപകന്‍ പീഡിപ്പിച്ചുവെന്ന് ആരോപിച്ച് വിദ്യാര്‍ത്ഥികളുടെ കൂട്ട പരാതി. വല്ലപ്പുഴ സ്വദേശിയും സ്‌കൂള്‍ അധ്യാപകനുമായി നൗഷാദ് ഖാനെതിരെയാണ് വിദ്യാര്‍ഥികള്‍ കൂട്ടപരാതിയുമായി എത്തിയത്.
സ്‌കൂളില്‍ സ്ഥാപിച്ച പരാതിപ്പെട്ടി തുറന്നു പരിശോധിച്ചപ്പോഴാണ് സംഭവം പുറത്തറിഞ്ഞത്. സംഭവത്തില്‍ പൂക്കോട്ടുംപാടം പൊലീസ് അധ്യാപകനെതിരെ പോക്സോ കേസ് രജിസ്റ്റര്‍ ചെയ്തു. നിലവില്‍ ഒരു വിദ്യാര്‍ഥിയുടെ മൊഴി രേഖപ്പെടുത്തിയാണ് കേസ് രജിസ്റ്റര്‍ ചെയ്തിരിക്കുന്നത്.
പരാതിക്ക് പിന്നാലെ അധ്യാപകന്‍ ഒളിവില്‍ പോയിട്ടുണ്ട്.