വ്യാജ രേഖാ കേസിൽ പ്രതിയായ എസ്എഫ്‌ഐ മുന്‍ നേതാവ് കെ വിദ്യയുടെ വ്യാജ സര്‍ട്ടിഫിക്കറ്റിന്റെ പ്രിന്റ് കണ്ടെത്തി. മഹാരാജാസ് കോളേജിന്റെ പേരില്‍ തയ്യാറാക്കി അധ്യാപന പരിചയ സര്‍ട്ടിഫിക്കറ്റിന്റെ പ്രിന്റാണ് കൊച്ചി പാലാരിവട്ടത്തെ ഇന്റര്‍നെറ്റ് കഫേയില്‍ നിന്ന് അന്വേഷണം സംഘം കണ്ടെത്തിയത്. . അട്ടപ്പാടി ഡിവൈഎസ്പി എൻ മുരളീധരന്റെ നേതൃത്വത്തിൽ ഗൂഗിളിന്റെ സഹായത്തോടെ നടത്തിയ അന്വേഷണത്തിലാണ് പ്രിന്റ് കണ്ടെത്തിയത്. സര്‍ട്ടിഫിക്കറ്റ് നശിപ്പിച്ചുവെന്നായിരുന്നുവിദ്യ നേരത്തെ പൊലീസിന് നല്‍കിയ മൊഴി. മഹാരാജാസ് കോളേജിൽ 2018 – 19 കാലയളവിൽ അധ്യാപന പരിചയം നേടിയെന്നായിരുന്നു വ്യാജ രേഖ.