65ാമത് സംസ്ഥാന സ്‌കൂള്‍ കായിക മേള രണ്ടാം ദിനത്തിലേക്ക് കടന്നു. നിലവിലെ ചാമ്പ്യന്മാരായ പാലക്കാട് ആണ് പട്ടികയിൽ ഒന്നാമത്.ഏഴു സ്വര്‍ണവും നാലു വെള്ളിയും മൂന്ന് വെങ്കലവുമാണ് പാലക്കാട് നേടിയിരിക്കുന്നത്. പിന്നിൽ മലപ്പുറവുമുണ്ട്. എറണാകുളത്തെ പിന്തള്ളി കാസര്‍ഗോഡ് മൂന്നാം സ്ഥാനത്ത് എത്തി.മേളയിലെ വേഗരാജാക്കന്മാരെ ഇന്നറിയാം.രണ്ടാം ദിനം 21 മത്സരങ്ങളാണ് നടക്കുക. 100 മീറ്റര്‍ ഓട്ടം തുടങ്ങി ഗ്ലാമര്‍ ഇനങ്ങള്‍ ഇന്നാണ്. ട്രാക്കിലും ഫീല്‍ഡിലും പാലക്കാടന്‍ മുന്നേറ്റം തുടരുമെന്നാണ് പ്രതീക്ഷ.18 പോയിന്റോടെ നിലവിലെ ചാമ്പ്യന്മാരായ ഐഡിയല്‍ ഇ എച്ച് എസ് എസ് കടകശ്ശേരിയാണ് സ്‌കൂളുകളില്‍ ഒന്നാമത്. 14 പോയിന്റോടെ മാര്‍ ബേസില്‍ എച്ച്എസ്എസ് കോതമംഗലം രണ്ടാം സ്ഥാനത്തുണ്ട്.
സ്‌കൂള്‍ കായിക മേള രണ്ടാം ദിനത്തിലേക്ക് ; പാലക്കാട് കുതിക്കുന്നു
Tags: schoolathletmeet