പ്രശസ്ത കുതിരയോട്ട മത്സരമായ വേൾഡ് എൻഡ്യുറൻസ് ചാമ്പ്യൻഷിപ്പ് വിജയകരമായി പൂർത്തീകരിച്ച ആദ്യ ഇന്ത്യക്കാരി ആയ സുഹൃത്ത് ഡോ.അൻവർ അമീന്റെ മകൾ നിദ അൻജുമിനെ അഭിനന്ദിച്ച് പി.കെ.കുഞ്ഞാലിക്കുട്ടി. ഈ നേട്ടത്തിലൂടെ ഇന്ത്യയിലെ മുഴുവൻ പെൺകുട്ടികൾക്കും കരുത്തുറ്റ മാതൃകയാകാൻ മലപ്പുറംകാരിയായ നിദക്ക് കഴിഞ്ഞിരിക്കുന്നുവെന്നും അദ്ദേഹം ഫെയ്‌സ്‌ബുക്കിൽ കുറിച്ചു.
ഫെയ്‌സ്ബൂക് പോസ്റ്റ്‌
ഏറെ അഭിമാനകരമായ ഒരു സന്തോഷം പങ്കു വെക്കുകയാണ്. എന്റെ പ്രിയ സുഹൃത്ത് ഡോ.അൻവർ അമീന്റെ മകൾ നിദ അൻജും പ്രശസ്ത കുതിരയോട്ട മത്സരമായ വേൾഡ് എൻഡ്യുറൻസ് ചാമ്പ്യൻഷിപ്പ് വിജയകരമായി പൂർത്തീകരിച്ച ആദ്യ ഇന്ത്യക്കാരി ആയിരിക്കുന്നു.
ചരിത്രത്തിൽ തന്നെ ആദ്യമായാണ് ഇന്ത്യയെ പ്രതിനിധീകരിച്ചു കൊണ്ട് ഒരാൾ ഈയൊരു ഇനത്തിൽ പങ്കെടുക്കുന്നത്. ആദ്യ മത്സരത്തിൽ തന്നെ വിജയകരമായി റൈസ് പൂർത്തീകരിക്കാനും സാധിച്ചു എന്നത് ഇരട്ടി നേട്ടമാണ്. ഈ നേട്ടത്തിലൂടെ ഇന്ത്യയിലെ മുഴുവൻ പെൺകുട്ടികൾക്കും കരുത്തുറ്റ മാതൃകയാകാൻ മലപ്പുറംകാരിയായ നിദക്ക് കഴിഞ്ഞിരിക്കുന്നു.
സമാനതകളില്ലാത്ത നേട്ടം കരസ്തമാക്കിയ നിദ അൻജുംന് അഭിനന്ദനങ്ങൾ.