ആലപ്പുഴയിൽ ട്രെയിൻ മാറി കയറാൻ ശ്രമിക്കുന്നതിനിടെ കാൽവഴുതി റെയില്‍വേ പാളത്തിലേക്ക് വീണ സ്ത്രീ മരിച്ചു. പാലക്കാട് മണ്ണാർക്കാട് പുല്ലശ്ശേരി ചേറുങ്ങോട്ടിൽ രാജേഷിന്റെ ഭാര്യ മീനാക്ഷി (45) ആണ് മരിച്ചത്. ഇന്നലെ വൈകിട്ട് ആലപ്പുഴ റെയിൽവേ സ്റ്റേഷനിലാണ് സംഭവം. കയറാൻ ശ്രമിക്കുന്നതിനിടെ കാൽവഴുതി പാളത്തിലേക്ക് വീഴുകയായിരുന്നെന്ന് റെയിൽവേ അധികൃതർ പറഞ്ഞു.തലയ്ക്കും ഇടതുകാലിനും പരിക്കേറ്റ യുവതിയെ ആർപിഎഫ് ഉടൻതന്നെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രാത്രിയോടെ മരണം സംഭവിക്കുകയായിരുന്നു.