വാഹനാപകടത്തിൽ പരിക്കേറ്റയാളെ സഹായിക്കാൻ വാഹനവ്യൂഹം നിർത്തി ഓടിയെത്തിയ രാഹുൽ ഗാന്ധിയുടെ വീഡിയോ വൈറലാകുന്നു. ഡൽഹി 10 ജൻപഥില്‍ നിന്ന് കാറിൽ വരുന്നതിനിടെയാണ് റോഡിൽ വീണുകിടന്നയാളെ കണ്ട രാഹുൽ വാഹനവ്യൂഹം നിർത്തി സ്കൂട്ടർ യാത്രക്കാരന്റെ അടുത്തേക്ക് ഓടിയെത്തി പരിക്കുകൾ ഉണ്ടോയെന്ന് ചോദിച്ചറിഞ്ഞത്.ഡൽഹി 10 ജൻപഥിൽ നിന്ന് പാർലമെന്റിലേക്ക് പോകുകയായിരുന്നു രാഹുൽ ഗാന്ധി. അദ്ദേഹത്തിന്റെ ആരോഗ്യത്തെ കുറിച്ച് ചോദിച്ചറിഞ്ഞ് പരിക്കേറ്റോ എന്ന് ചോദിച്ചു. ഹസ്തദാനം നൽകിയ ശേഷമാണ് രാഹുൽ മടങ്ങിയത്.രാഹുലും സുരക്ഷാ ജീവനക്കാരും ചേർന്നാണ് സ്കൂട്ടർ എടുത്തുയർത്തിയത്. ഇതിന്റെ വിഡിയോ ദൃശ്യങ്ങൾ സമൂഹമാധ്യമങ്ങളിൽ വൈറലാണ്.