തൃശൂര്‍: തൃശൂരില്‍ പ്ലസ് ടു വിദ്യാര്‍ത്ഥിനിയെ പിതാവിന്റെ സുഹൃത്തുക്കള്‍ ചേര്‍ന്ന് പീഡിപ്പിച്ചു. പുന്നയുര്‍കുളത്താണ് നാടിനെ നടുക്കിയ സംഭവം. സ്‌കൂളില്‍ കുട്ടിയുടെ പെരുമാറ്റത്തില്‍ സംശയം തോന്നിയ അധ്യാപക വിവരം ചൈല്‍ഡ് ലൈനു മുന്നില്‍ അവതരിപ്പിക്കുകയായിരുന്നു.
ചൈല്‍ഡ് ലൈന്‍ അധികൃതര്‍ നല്‍കിയ വിവരത്തിന്റെ അടിസ്ഥാനത്തില്‍ നാലു ദിവസം മുമ്പ് കേസെടുത്ത പൊലീസ് ഒരാളുടെ അറസ്റ്റ് രേഖപ്പെടുത്തി. കാപ്പരിക്കാട് സ്വദേശി 26കാരന്‍ ഷാജിയാണ് അറസ്റ്റിലായത്. ഇയാളെ റിമാന്റ് ചെയ്തു.
കേസില്‍ ഉള്‍പ്പെട്ട രണ്ടു പേര്‍ക്കെതിരെ തിരച്ചില്‍ പുരോഗമിക്കുകയാണ്. പ്രതികള്‍ കഞ്ചാവ് മാഫിയയുമായി ബന്ധമുള്ളവരാണെന്നാണ് വിവരം. പീഡനത്തെക്കുറിച്ച് അമ്മയോട് പറഞ്ഞിട്ടും ഇവര്‍ പൊലീസില്‍ അറിയിച്ചിരുന്നില്ല.