പാലക്കാട് നെല്ലിപാടത്ത് പതിനാലുകാരന്‍ ഉറക്കത്തിനിടയില്‍ അസ്വസ്ഥതയെ തുടര്‍ന്ന് മരിച്ചു. അഭിനവാണ് മരിച്ചത്. കഴിഞ്ഞ ദിവസം രാത്രി കുട്ടി വലിയ ശബ്ദത്തില്‍ ശ്വാസം വലിക്കുന്നുണ്ടായിരുന്നു. അസ്വസ്ഥത പ്രകടിപ്പിക്കുന്നതു ശ്രദ്ധയില്‍പ്പെട്ട അമ്മ ഉടന്‍ ബന്ധുക്കളെ വിളിച്ച് ആലത്തൂര്‍ ആശുപത്രിയിലെത്തിച്ചെങ്കിലും യാത്രാ മധ്യേ കുട്ടി മരിക്കുകയായിരുന്നു. കുട്ടിക്ക് മറ്റ് ആരോഗ്യ പ്രശ്നങ്ങളില്ലായിരുന്നുവെന്നും കുടുംബം അറിയിച്ചു.
വീട്ടില്‍ അഭിനവും അമ്മയും മാത്രമാണ് ഉണ്ടായിരുന്നത്. അച്ഛന്‍ നേരത്തെ മരിച്ചിരുന്നു. ഇന്ന് പോസ്റ്റ്മോര്‍ട്ടത്തിന് ശേഷം മാത്രമേ മരണത്തെക്കുറിച്ചുള്ള കൂടുതല്‍ വിവരങ്ങള്‍ അറിയാന്‍ സാധിക്കുകയുള്ളൂ.