കൊച്ചി ഇന്‍ഫോപാര്‍ക്കിനുള്ളിലെ സ്വകാര്യ സ്ഥാപനത്തില്‍ തീപ്പിടുത്തം. ഇന്‍ഫോപാര്‍ക്ക് പൊലീസ് സ്റ്റേഷന് സമീപത്തെ ജിയോ ഇന്‍ഫോ എന്ന ഐടി സ്ഥാപനത്തിലാണ് തീപിടുത്തമുണ്ടായത്. സ്ഥാപനത്തില്‍ ജീവനക്കാര്‍ കുടുങ്ങി കിടക്കുന്നതായി സംശയമുണ്ട്. നാല് യൂണിറ്റ് ഫയര്‍ ഫോഴ്‌സ് സംഭവ സ്ഥലത്തെത്തി. തീയണക്കാനുള്ള ശ്രമങ്ങള്‍ നടത്തിവരികയാണ്.
വൈകുന്നേരം 6:30 നാണ് തീപിടിത്തം ഉണ്ടായത്. ഷോര്‍ട് സെര്‍ക്യൂട്ടാണെന്ന പ്രാഥമിക നിഗമനം. മൂന്നാം നിലയിലെ ശുചിമുറിയില്‍ നിന്ന് തീ പടര്‍ന്നെന്ന് ദൃക്‌സാക്ഷികള്‍ പറഞ്ഞു.