മുതിര്‍ന്ന ബി ജെ പി നേതാവ് പി.പി.മുകുന്ദൻ അന്തരിച്ചു

ബിജെപി മുൻ ദക്ഷിണേന്ത്യ സംഘടനാ ജനറൽ സെക്രട്ടറിയും സംസ്ഥാന ജനറൽ സെക്രട്ടറിയുമായിരുന്ന കണ്ണൂർ മണത്തണയിലെ പി.പി.മുകുന്ദൻ (77 ) അന്തരിച്ചു. എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു.കഴിഞ്ഞ 60 വർഷത്തോളമായി പൊതുരംഗത്ത് പ്രവർത്തിച്ചു വരുന്ന അദ്ദേഹം
ക്ഷേത്രീയ സംഘടനാ ജന.സെക്രട്ടറി എന്നീ ചുമതലകൾ വഹിച്ചു. മുൻ ആർ.എസ്. എസ് പ്രചാരകൻ ആയിരുന്നു.1991 ൽ ബി.ജെ.പി കേരള സംഘടനാ ജനറൽ സെക്രട്ടറിയായിരുന്നു.കുറെ കാലമായി കേരളത്തിലെ ബി.ജെ.പി നേതൃത്വവുമായി ഇടഞ്ഞു നിൽക്കുകയായിരുന്നു.ബി ജെ പിയുടെ മുതിര്‍ന്ന നേതാവ് പി പി മുകുന്ദന്‍റെ നിര്യാണത്തില്‍ മുഖ്യമന്ത്രി പിണറായി വിജയന്‍ അനുശോചനം രേഖപ്പെടുത്തി. കേരളത്തിലെ സംഘപരിവാര്‍ രാഷ്ട്രീയത്തെ പതിറ്റാണ്ടുകളോളം നയിച്ച വ്യക്തിയായിരുന്നു അദ്ദേഹമെന്ന് മുഖ്യമന്ത്രി അനുസ്മരിച്ചു.