ഡല്‍ഹിയില്‍ നിന്ന് അംബാലയിലേക്ക് കഴിഞ്ഞ ദിവസം രാത്രി യാത്ര ചെയ്ത ലോറി ഡ്രൈവര്‍മാരെ അതിശിയിപ്പിച്ച് കോണ്‍ഗ്രസ് നേതാവ് രാഹുല്‍ ഗാന്ധി. ചരക്കുലോറിയില്‍ ഡ്രൈവര്‍ക്ക് സമീപമുള്ള സീറ്റിലിരുന്ന യാത്ര നടത്തിയാണ് രാഹുല്‍ ഡ്രൈവര്‍മാരെ
അമ്പരിപ്പിച്ചത്. ഇതിന്റെ വീഡിയോ സമൂഹ മാധ്യമങ്ങളില്‍ വൈറലായി. മറ്റ് വാഹനങ്ങളില്‍ പോകുന്നവരെ രാഹുല്‍ കൈവീശി കാണിക്കുന്നതും വിഡിയോയില്‍ കാണാം.
ഹിമാചല്‍ പ്രദേശിന്റെ തലസ്ഥാനമായ ഷിംലയിലേക്ക് അമ്മ സോണിയ ഗാന്ധിയെ സന്ദര്‍ശിക്കുന്നതിനായി യാത്ര ചെയുന്നതിനിടെയാണ് രാഹുല്‍ ട്രക്കില്‍ യാത്ര നടത്തിയത്. ഹരിയാനയിലെ സോനിപട്ടിലെ ഒരു ധാബയില്‍ വച്ചാണ് രാഹുല്‍ ചരക്കുലോറി ഡ്രൈവര്‍മാരെ കണ്ടുമുട്ടിയത്. ഇവരുമായി സംസാരിച്ച് അംബാല വരെ ലോറിയില്‍ പോകുന്നതിന് രാഹുല്‍ തീരുമാനിക്കുകയിരുന്നു.
അതിനിടയില്‍ അവരുടെ ജോലിയെക്കുറിച്ചും ബുദ്ധിമുട്ടുകളെക്കുറിച്ചും അവരോട് സംസാരിച്ചു. മാധ്യമ റിപ്പോര്‍ട്ടുകള്‍ പ്രകാരം ഏകദേശം 90 ലക്ഷം ഡ്രൈവര്‍മാരാണ്
ഇന്ത്യയിലെ നിരത്തുകളില്‍ വാഹനം ഓടിക്കുന്നത്. രാഹുല്‍ അവരുടെ മന്‍ കി ബാത്ത് കേട്ടു പ്രധാനമന്ത്രി നരേന്ദ്ര മോദിയുടെ പ്രതിമാസ റേഡിയോ പ്രസംഗ പരിപാടിയെ പരിഹസിച്ച് കൊണ്ട് കോണ്‍ഗ്രസ് ട്വീറ്റ് ചെയ്തു.
തികച്ചും അപ്രതീക്ഷിത നീക്കമാണിതെന്ന് കോണ്‍ഗ്രസ് വൃത്തങ്ങള്‍ പറയുന്നു. ഭാരത് ജോഡോ യാത്രയ്ക്ക് ശേഷം പൊതുജനസമ്പര്‍ക്കം വര്‍ധിപ്പിക്കുന്നതിലാണ് കോണ്‍ഗ്രല് നോട്ടമിടുന്നത്.