![](data:image/svg+xml;charset=utf-8,<svg height="406px" width="740px" xmlns="http://www.w3.org/2000/svg" version="1.1"/>)
തൃശൂരില്‍ ബാങ്ക് കവര്‍ച്ച നടത്തിയ സംഭവത്തില്‍ പ്രതി പിടിയില്‍. ചാലക്കുടി പോട്ടയിലെ ഫെഡറല്‍ ബാങ്കില്‍ നിന്ന് 15 ലക്ഷം മോഷ്ടിച്ച ചാലക്കുടി സ്വദേശി റിജോ ആന്റണിയാണ് പിടിയിലായത്. കടം വീട്ടാന്‍ വേണ്ടിയാണ് കൊള്ള നടത്തിയതെന്നാണ് പ്രതി മൊഴി നല്‍കിയത്. ഇയാളുടെ കയ്യില്‍ നിന്ന് പത്തു ലക്ഷം രൂപ കണ്ടെടുത്തു.
ഇക്കഴിഞ്ഞ വെള്ളിയാഴ്ച്ചയാണ് കത്തി കാട്ടി ഭീഷണിപ്പെടുത്തി ജീവനക്കാരെ ബന്ദിയാക്കി ഫെഡറല്‍ ബാങ്കിന്റെ പോട്ട ശാഖയില്‍ നിന്നും ഇയാള്‍ 15 ലക്ഷം രൂപ കവര്‍ന്നത്. ഹിന്ദിയിലായിരുന്നു പ്രതി ബാങ്കിലെത്തി സംസാരിച്ചത്. ഇതോടെ അതിഥി തൊഴിലാളിയാകാമെന്ന സംശയങ്ങളുള്‍പ്പെടെ അന്വേഷണത്തിന്റെ ആദ്യ ഘട്ടത്തില്‍ നിലനിന്നിരുന്നു.
