മാഞ്ചസ്റ്റര്‍: ഇംഗ്ലീഷ് ഫുട്‌ബോളിനെ ഇഷ്ടപ്പെടുന്നവര്‍ ഇന്ന് രാത്രി 9ന് കളി കാണാന്‍ മറക്കരുത്. മാഞ്ചസ്റ്റര്‍ ഡെര്‍ബിയില്‍ രാത്രി അയല്‍ക്കാര്‍ നേര്‍ക്കുനേര്‍. മാഞ്ചസ്റ്റര്‍ യുനൈറ്റഡിന്റെ മൈതാനത്ത് ചാമ്പ്യന്മാരായ സിറ്റിക്കാര്‍. നിലവില്‍ പോയിന്റ് ടേബിളില്‍ ഒന്നാമത് ടോട്ടനമാണ്.
10 മല്‍സരങ്ങളില്‍ നിന്ന് 26 പോയിന്റാണ് അവരുടെ സമ്പാദ്യം. ഇന്നലെ നേടിയ തകര്‍പ്പന്‍ ജയത്തോടെ ആഴ്‌സനല്‍ രണ്ടാമത് വന്നു. സിറ്റി ഒമ്പത് മല്‍സരങ്ങളില്‍ 21 പോയന്റുമായി മൂന്നാമതാണ്. യുനൈറ്റഡാവട്ടെ ഒമ്പത് കളികളില്‍ 15 പോയിന്റുമായി എട്ടാമതാണ്. സിറ്റിക്കും യുനൈറ്റഡിനും ഇന്നത്തെ മല്‍സരം തോല്‍ക്കാനാവില്ല. അതിനാല്‍ ഗംഭീര പോരാട്ടമാവും നടക്കുക.