പാലക്കാട് ആലത്തൂര്‍ തേങ്കുറുശ്ശി ഗ്രാമപഞ്ചായത്തിലെ അനീഷ് തനിക്കിഷ്ടപ്പെട്ട പെണ്‍കുട്ടിയായ ഹരിതയെ പ്രണയിച്ച് വിവാഹം കഴിച്ചതിന്റെ പേരില്‍ ദുരഭിമാനക്കൊലപാതകത്തിന് ഇരയായത് ജില്ലയെ ആകെത്തന്നെ ഞെട്ടിച്ച വാര്‍ത്തയായിരുന്നു. ജാതീയമായും, സാമൂഹ്യമായും, സാമ്പത്തികമായും വളരെയധികം അന്തരമുണ്ടായിരുന്നതിനാല്‍ ദുരമൂത്ത ഹരിതയുടെ കുട്ടംബക്കാരായിരുന്നു ഈ ക്രൂരകൃത്യം ചെയ്തത്. എന്നിരുന്നാലും പരിമിതമായ ജീവിത സാഹചര്യമായിരുന്നിട്ടും തനിക്ക് വേണ്ടി ജീവന്‍ വെടിഞ്ഞ ഭര്‍ത്താവ് അനീഷിന്റെ പാവപ്പെട്ട കുടുംബത്തോടൊപ്പം ജീവിതം തുടരാനാണ് ഹരിത ആഗ്രഹിച്ചത്.
ഹരിത ആലത്തൂര്‍ എംഎല്‍എയെ കാണുകയും ഹരിതക്കാവശ്യമായ വീട്, ജോലി എന്നിവക്കായി മുഖ്യമന്ത്രിയോട് ആവശ്യപ്പെടണമെന്ന് അഭ്യര്‍ത്ഥിക്കുകയും ചെയ്തു. അതിന്റെ ഭാഗമായി ബഹു: മുഖ്യമന്ത്രിക്ക് എംഎല്‍എയുടെ ശുപാര്‍ശയോടുകൂടിയ കത്തിന് ഇന്ന് ചേര്‍ന്ന മന്ത്രിസഭ തീരുമാനമെടുക്കുകയായിരുന്നു.