കോഴിക്കോട് ട്രെയിനില്‍ നിന്ന് വീണ് രണ്ടുപേര്‍ക്ക് പരിക്ക്. വടകര സ്വദേശികള്‍ ആയ രോജിത് (40), അഖില്‍ (17) എന്നിവരാണ് ട്രെയിനില്‍ നിന്ന് വീണത്. കോഴിക്കോട് സ്റ്റേഷനില്‍ എത്തുന്നതിനു മുന്‍പ് വെള്ളയില്‍ വെച്ചാണ് അപകടം.
ഇരുവരെയും കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. അശ്രദ്ധമായി വാതിലിനടുത്ത് നിന്നതാകാം അപകടകാരണം എന്നാണ് നിഗമനം. മംഗലാപുരത്ത് നിന്ന് തിരുവനന്തപുരത്തേക്ക് വരികയായിരുന്ന തിരുവനന്തപുരം എക്‌സ്പ്രസ് ജനറല്‍ കമ്പാര്‍ട്ട്‌മെന്റില്‍ നിന്നാണ് വീണത്.