തിരുവനന്തപുരം വെഞ്ഞാറമൂട് കിടപ്പുമുറിയില്‍ കയറി യുവതിയെ നായ കടിച്ചു. കല്ലറ കുറ്റിമൂട് തിരുവമ്പാടിയില്‍ ദിനേശന്റെ മകള്‍ അഭയയക്കാണ് (18) നായയുടെ കടിയേറ്റത്.
ഇന്ന് രാവിലെയാണ് സംഭവം. തുറന്നുകിടന്ന മുന്‍വാതിലിലൂടെ അകത്ത് കടന്ന നായ കിടപ്പുമുറിയില്‍ കയറി യുവതിയെ കടിക്കുകയായിരുന്നു. യുവതിയുടെ നിലവിളി കേട്ടെത്തിയ അച്ഛനും മറ്റുള്ളവരും ചേര്‍ന്ന് നായ ആട്ടിയോടിച്ചു.
വീട്ടില്‍ നിന്നും രക്ഷപ്പെട്ട നായ അടുത്തുള്ള മൂന്നു വീടുകളിലേക്കും ഓടിക്കയറി. നായക്ക് പേവിഷ ബാധ ഉണ്ടോ എന്ന സംശയം ബലപ്പെട്ടിട്ടുണ്ട്. കടിയേറ്റ യുവതിയെ ആശുപത്രിയില്‍ പ്രവേശിപ്പിച്ചു.