മലപ്പുറത്ത് നിന്നും കാല്‍നടയായി ഹജ്ജിനു പുറപ്പെട്ട ശിഹാബ് ചോറ്റൂരിന് പാക്കിസ്ഥാന്‍ വിസ നിഷേധിച്ചു. പാക്കിസ്ഥാനിലേക്ക് പ്രവേശന അനുമതി തേടി സമര്‍പ്പിച്ച അപേക്ഷയാണ് ലാഹോര്‍ ഹൈക്കോടതി തള്ളിയത്.
124 ദിവസത്തോളം പിന്നിട്ട യാത്ര നിലവില്‍ വാഗ അതിര്‍ത്തിയില്‍ കുടുങ്ങിക്കിടക്കുകയായിരുന്നു. ഇതിനെ തുടര്‍ന്ന് ശിഹാബിന് വേണ്ടി പാക്കിസ്ഥാന്‍ പൗരനാണ് ലാഹോര്‍ കോടതിയില്‍ അപേക്ഷ സമര്‍പ്പിച്ചത്. ബാബ ഗുരുനാനക്കിന്റെ ജന്മദിനത്തോടനുബന്ധിച്ച് ഇന്ത്യന്‍ സിക്കുകാര്‍ക്ക് പാക്കിസ്ഥാന്‍ വിസ നല്‍കാറുണ്ട് സമാനമായി ശിഹാബിനും വിസ നല്‍കണം എന്നായിരുന്നു ഹര്‍ജിക്കാരന്റെ വാദം.
എന്നാല്‍ കോടതി ഈ ഹര്‍ജി തള്ളുകയായിരുന്നു. ഹര്‍ജിക്കാരന് ഈ ഇന്ത്യന്‍ പൗരനുമായി ബന്ധമില്ലെന്നും ഇന്ത്യന്‍ പൗരന്റെ പൂര്‍ണ്ണ വിശദാംശങ്ങള്‍ ഇല്ലെന്നും കോടതി പറയുന്നു.
കഴിഞ്ഞ ജൂണ്‍ രണ്ടിനാണ് മലപ്പുറത്ത് നിന്നും ഇദ്ദേഹം കാല്‍നടയായി ഹജ്ജ് യാത്രക്ക് ഒരുങ്ങിയത്.