ഇന്ത്യ-ഓസ്‌ട്രേലിയ നാലാം ടെസ്റ്റ് പുരോഗമിക്കുന്നതിനിടെ ഇന്ത്യന്‍ പേസര്‍ മുഹമ്മദ് ഷമിക്ക് നേരെ ജയ് ശ്രീറാം വിളികളുമായി ഒരു വിഭാഗം കാണികള്‍. അഹമ്മദാബാദിലെ നരേന്ദ്രമോദി സ്റ്റേഡിയത്തില്‍ വെള്ളിയാഴ്ചയാണ് സംഭവം.
മത്സരം ആരംഭിക്കുന്നതിന് തൊട്ടുമുമ്പ് ഇന്ത്യന്‍ താരങ്ങള്‍ ബൗണ്ടറി ലൈനിന് പുറത്തുനില്‍ക്കുമ്പോഴാണ് ഗ്യാലറിയില്‍ നിന്ന് ജയ് ശ്രീറാം വിളികള്‍ ഉയര്‍ന്നത്. കാണികള്‍ ഷമ്മിയുടെ പേര് വിളിച്ച് ജയ് ശ്രീറാം എന്ന് വിളിക്കുന്നത് വീഡിയോയില്‍ വ്യക്തമാണ്. ഷമ്മി ഇതിനെതിരെ ശാന്തനായി പ്രതികരിക്കാതെ നില്‍ക്കുന്നതും വീഡിയോയില്‍ കാണുന്നു.