കോട്ടക്കലില്‍ എത്തിയ എംടി വാസുദേവന്‍ നായരുമായി കൂടിക്കാഴ്ച നടത്തി കോണ്‍ഗ്രസ് നേതാവ് രാഹുല്‍ ഗാന്ധി. രാഹുലിന് എംടി സ്‌നേഹ സമ്മാനമായി പേന സമ്മാനിച്ചു.എംടിയുടെ പുസ്തകങ്ങളെക്കുറിച്ചും സിനിമകളെ കുറിച്ചും സംസാരിച്ച രാഹുല്‍ എംടിയുടെ പ്രശസ്തമായ നോവലായ രണ്ടാമൂഴത്തെയും പരാമര്‍ശിച്ചു. പൊതു വിഷയങ്ങളിലടക്കം ചര്‍ച്ചയും നടന്നു.
കഴിഞ്ഞ വ്യാഴാഴ്ച രാത്രിയാണ് രാഹുല്‍ ഗാന്ധി കോട്ടക്കലില്‍ ചികിത്സയ്‌ക്കെത്തിയത്. എല്ലാ വര്‍ഷവും കര്‍ക്കിടമാസം എംടിയും കോട്ടക്കലില്‍ ചികിത്സയ്ക്ക് എത്താറുണ്ട്.