കോഴിക്കോട്: ഇന്ത്യന്‍ യൂണിയന്‍ മുസ്‌ലിംലീഗ് ദേശീയ കമ്മിറ്റി ആസ്ഥാന മന്ദിരം ഖാഇദെ മില്ലത്ത് സെന്റര്‍ ഫണ്ട് സമാഹരണ ക്യാമ്പയിന് ഇന്ന് തുടക്കമാകും. പൂര്‍ണമായും ഓണ്‍ലൈനിലൂടെയാണ് കാമ്പയിന്‍ നടക്കുന്നത്.ഏഴരപ്പതിറ്റാണ്ട് പിന്നിട്ട പാര്‍ട്ടിയുടെ പൈതൃകത്തെ രാജ്യമാകെ വ്യാപിപ്പിക്കാനും ശക്തിപ്പെടുത്താനും ഖാഇദെ മില്ലത്ത് സെന്റര്‍ സഹായകമാകും. വിവിധ സംസ്ഥാനങ്ങളിലെ പാര്‍ട്ടി പ്രവര്‍ത്തനം ഏകോപിപ്പിക്കാനും ഖാഇദെ മില്ലത്ത് സെന്റര്‍ വഴി സാധ്യമാകും. ഒരു മെമ്പര്‍ഷിപ്പിന് 100 രൂപ തോതിലാണ് ഫണ്ട് സ്വരൂപിക്കുന്നത്. വ്യക്തികള്‍ക്കും കുടുംബത്തിനും ഫണ്ട് ശേഖരണത്തില്‍ പങ്കാളികളാകാനുള്ള പ്രത്യേക സംവിധാനം ഏര്‍പ്പെടുത്തിയിട്ടുണ്ട്. പദ്ധതിയില്‍ വ്യത്യസ്ത ജനവിഭാഗങ്ങളുടെ പങ്കാളിത്തം ഉറപ്പാക്കും. കെ.എം.സി.സി മുഖേനയുള്ള സമാഹരണം ഈ കാലയളവില്‍ വിപുലമായ തോതില്‍ നടക്കും.
ദേശീയ, സംസ്ഥാന നേതാക്കളുടെ സാന്നിദ്ധ്യത്തില്‍ കെ.എം.സി.സി ഫണ്ടുകള്‍ നേരിട്ട് സ്വീകരിക്കും. ഫണ്ട് സമാഹരണത്തില്‍ ഏറ്റവും നന്നായി പങ്കാളികളാകുന്ന ശാഖ/വാര്‍ഡ് കമ്മിറ്റികള്‍, പഞ്ചായത്ത് കമ്മിറ്റികള്‍, മണ്ഡലം കമ്മിറ്റികള്‍ എന്നിവര്‍ക്ക് പ്രത്യേക ആദരവ് നല്‍കും. ഓരോ വ്യക്തിക്കും ഫണ്ട് ശേഖരണത്തില്‍ പങ്കെടുക്കാന്‍ കഴിയുന്ന രൂപത്തില്‍ സുതാര്യമായാണ് ഓണ്‍ലൈന്‍ സംവിധാനത്തിലൂടെ ഫണ്ട് ശേഖരണം നടത്തുന്നത്. പ്രതാപങ്ങളുടെ ഡല്‍ഹിയില്‍ പ്രത്യാശയുടെ പതാക എന്ന പ്രമേയത്തിലാണ് ഫണ്ട് സമാഹരണ ക്യാമ്പയിന് നടക്കുന്നത്. ന്യൂനപക്ഷ രാഷ്ട്രീയം നേരിടുന്ന വെല്ലുവിളികളെ പ്രതിരോധിക്കാനും രാഷ്ട്രീയ സംഘാടനത്തിനുള്ള സൗകര്യങ്ങള്‍ വിപുലീകരിക്കാനും ഖാഇദെ മില്ലത്ത് സെന്റര്‍ ലക്ഷ്യമിടുന്നു. ഗവേഷണ കേന്ദ്രം, സ്റ്റുഡന്റ്‌സ് സെന്റര്‍, സോഷ്യല്‍ ഡവലപ്‌മെന്റ് സെന്റര്‍, പോഷക ഘടകങ്ങള്‍ക്കുള്ള ഓഫീസുകള്‍, ഓഡിറ്റോറിയം, ലൈബ്രറി എന്നിങ്ങനെ വിപുലമായ സൗകര്യങ്ങളോടെയാണ് ഖാഇദെ മില്ലത്ത് സെന്റര്‍ വിഭാവനം ചെയ്തിരിക്കുന്നത്. ന്യൂനപക്ഷ രാഷ്ട്രീയ മുന്നേറ്റത്തിനുള്ള നാഴികക്കല്ലായി മാറാന്‍ ഖാഇദെ മില്ലത്ത് സെന്ററിന് സാധിക്കും. ഇന്ന് തുടങ്ങുന്ന ഫണ്ട് സമാഹരണ ക്യാമ്പയിന് ജൂലൈ 31ന് അവസാനിക്കും.
പണമടയ്‌ക്കേണ്ട വിധം
പൂര്‍ണമായും ഓണ്‍ലൈന്‍ വഴി നടക്കുന്ന ഖാഇദെ മില്ലത്ത് സെന്റര്‍ ഫണ്ട് സമാഹരണത്തിന് കഡങഘ ഝങഇ എന്ന പേരില്‍ ആപ്പ് സ്‌റ്റോറിലും പ്ലേ സ്‌റ്റോറിലും ആപ്ലിക്കേഷന്‍ ലഭ്യമാണ്. ഇന്‍സ്റ്റാള്‍ ചെയ്ത ശേഷം ജമൃശേരശുമലേ ചീം ബട്ടണില്‍ ക്ലിക്ക് ചെയ്യുക. സംഭാവന ചെയ്യാന്‍ ആഗ്രഹിക്കുന്ന തുക, വ്യക്തിയുടെ പേര്, മൊബൈല്‍ നമ്പര്‍, പഞ്ചായത്ത്, വാര്‍ഡ് ടൈപ്പ് ചെയ്യുക. യു.പി.ഐ വഴി പേയ്‌മെന്റ് ചെയ്ത ഉടനെ റസീപ്റ്റും കണ്‍ഫര്‍മേഷന്‍ മെസേജും ലഭിക്കും. അപ്്‌ലോഡ് ചെയ്യുന്ന സംഭാവന നല്‍കിയ വ്യക്തിയുടെയോ, കുടുംബത്തിന്റെയോ സ്ഥാപനത്തിന്റെയോ ഫോട്ടോ വെച്ചുള്ള ഡിജിറ്റല്‍ പോസ്റ്ററും ഡൗണ്‍ലോഡ് ചെയ്യാം. കൂടുതല്‍ സംഭാവന നല്‍കുന്ന വാര്‍ഡ്, പഞ്ചായത്ത്, മണ്ഡലം, ജില്ല വിവരങ്ങള്‍ ആപ്ലിക്കേഷനില്‍ ലഭ്യമായിരിക്കും.