സംസ്ഥാന സ്‌കൂള്‍ കലോത്സവത്തില്‍ ആതിഥേയരായ കോഴിക്കോടിന് കലാകിരീടം. 945 പോയിന്റോടെയാണ് കോഴിക്കോട് കിരീടം സ്വന്തമാക്കിയത്.925 പോയിന്റോടെ കണ്ണൂരും പാലക്കാടും രണ്ടാം സ്ഥാനത്തുണ്ട്. 915 പോയിന്റോടെ ത്യശൂര്‍ നാലാം സ്ഥാനത്തും, 881 പോയിന്റോടെ ഏറണാകുളം അഞ്ചാം സ്ഥാനത്തും നിലകൊള്ളുന്നു.
156 പോയിന്റോടെ പാലക്കാട് ആലത്തൂര്‍ ഗുരുകുലം ഹയര്‍സെക്കന്‍ഡറി സ്‌കൂളാണ് സ്‌കൂളുകളില്‍ ഒന്നാംസ്ഥാനത്ത്. 142 പോയിന്റുള്ള തിരുവനന്തപുരം വഴുതക്കാട് കാര്‍മല്‍ ഗേള്‍സ് ഹയര്‍സെക്കന്‍ഡറി സ്‌കൂളാണ് രണ്ടാംസ്ഥാനത്ത്.
ജനുവരി 3 മുതല്‍ 7 വരെ 24 വേദികളിലായി പതിനാലായിരത്തോളം കുട്ടികളാണ് ഏഷ്യയിലെ തന്നെ ഏറ്റവും വലിയ കലോത്സവത്തിന്റെ ഭാഗമായത്.
ഇത് എട്ടാം തവണയാണ് കോഴിക്കോട് കലോത്സവത്തിന് ആതിഥേയത്വം വഹിക്കുന്നത്.