കാന്തപുരം എ പി അബൂബക്കര്‍ മുസ്ലിയാരെ സന്ദര്‍ശിച്ച് പി കെ കുഞ്ഞാലിക്കുട്ടി. അദ്ദേഹവുമായി കുറച്ചധികം സമയം സംസാരിച്ചിരിക്കാന്‍ സാധിച്ചത്തിനൊപ്പം ശാരീരിക പ്രയാസങ്ങളില്‍ നിന്ന് മുക്തനായി അദ്ദേഹം സാധാരണ ജീവിതത്തിലേക്ക് എളുപ്പത്തില്‍ മടങ്ങി വരുന്നുണ്ട് എന്നതും ഏറെ സന്തോഷമുണ്ടാക്കുന്ന കാര്യമാണ് കുഞ്ഞാലിക്കുട്ടി പറഞ്ഞു.
സദാ സമയവും കര്‍മനിരതമായ മഹത് വ്യക്തിത്വമാണ് മഹാനാവര്‍കളുടേത്. പൂര്‍ണ്ണ ആരോഗ്യത്തോടെ കര്‍മ മണ്ഡലത്തില്‍ കൂടുതല്‍ നിറഞ്ഞു നില്‍ക്കാന്‍ അദ്ദേഹത്തിന് സാധിക്കട്ടെ എന്ന് പ്രാര്‍ത്ഥിക്കുന്നതായി പി.കെ കുഞ്ഞാലിക്കുട്ടി ഫെയ്‌സ് ബുക്കില്‍ കുറിച്ചു.