മുസ്‌ലിം ലീഗ് പ്ലാറ്റിനം ജൂബിലി സമ്മേളന നഗരിയില്‍ ആകര്‍ഷണമായി ചരിത്രപ്രദര്‍ശനം. പാര്‍ട്ടിയുടെ നാളിതുവരെയുള്ള വിവരങ്ങളെല്ലാം വൈ.എം.സി.എ മൈതാനിയിലെ പ്രദര്‍ശനത്തിലുണ്ട്. ഖാഇദേ മില്ലത്ത്, സീതി സാഹിബ് , പൂക്കോയ തങ്ങള്‍ ,സി.എച്ച് , ശിഹാബ് തങ്ങള്‍ , ഇ. അഹമ്മദ്, തുടങ്ങിയ മഹാമാരുടെയെല്ലാം ചിത്ര സഹിത വിവരങ്ങള്‍ പ്രദര്‍ശനത്തിലുണ്ട്.പാര്‍ട്ടിയുടെ മന്ത്രിമാര്‍ , എം. എല്‍.എ മാര്‍ , ഭാരവാഹികള്‍ തുടങ്ങിയവരുടെ പട്ടിക ഇവിടെ കാണാം.
നാളെ ഉച്ചതിരിഞ്ഞ് പ്രദര്‍ശനം ആരംഭിക്കും. സ്വാതന്ത്ര്യസമര സേനാനികളുടെ ചിത്രങ്ങളും ഉണ്ട്. 40 സ്റ്റാളുകള്‍ ,കെ.എം.സി.സി , ചന്ദ്രിക ,ദാറുൽഹുദാ പോഷക സംഘടനകള്‍ എന്നിവയും വിവിധ കലാപബാധിതര്‍ക്ക് നല്‍കിയ സഹായങ്ങളുടെ വിവരങ്ങളും ഇതിലുണ്ട്.
തമിഴ്‌നാട് ഐ.ടി കോ ഓഡിനേറ്റര്‍ അബ്ദുല്‍ ജബ്ബാര്‍ ,നൈന മുഹമ്മദ് , അന്‍സാര്‍ , ഹസന്‍ , കാഞ്ചി ഇമ്രാന്‍ , സാബിര്‍ ഖാന്‍ എന്നിവരാണ് സംഘാടകര്‍.കോഴിക്കോട് ദാസന്‍ കെ പെരുമണ്ണയുടെ മുഹമ്മദലി ശിഹാബ് തങ്ങളുടെ കുട്ടിക്കാലം മുതലുള്ള ചിത്രങ്ങളുടെ ശേഖരവും പ്രദര്‍ശനത്തിന് മാറ്റ് കൂട്ടുന്നു.