ചരിത്രപ്രസിദ്ധമായ ശ്രീനഗര്‍ ജാമിഅ മസ്ജിദില്‍ അവസാന വെള്ളിയാഴ്ച ആകുമായിരുന്ന ജുമുഅക്ക് വിലക്കേര്‍പ്പെടുത്തി ഭരണകൂടം. ഇന്ന് രാവിലെ പള്ളിയില്‍ എത്തിയ ജില്ലാ ഭരണകൂടവും പൊലീസ് ഉദ്യോഗസ്ഥരുമാണ് ജുമുഅ വിലക്കിക്കൊണ്ട് ഉത്തരവിട്ടത്. ഉത്തരവിന് പിന്നാലെ പള്ളിയുടെ ഗേറ്റുകള്‍ അടച്ചിടാന്‍ ആവശ്യപ്പെടുകയായിരുന്നു.
പള്ളി ഭാരവാഹികള്‍ ഇതിനെതിരെ ശക്തമായി എതിര്‍പ്പ് അറിയിച്ചെങ്കിലും ഫലമുണ്ടായില്ല. ജമ്മു കാശ്മീറിന്റെ പല ഭാഗങ്ങളില്‍ നിന്നായി ആയിരക്കണക്കിന് ആളുകളാണ് ശ്രീനഗറിലെ ജാമിഅ മസ്ജിദില്‍ റമദാനിലെ അവസാന ജുമുഅ കൂടാന്‍ വേണ്ടി എത്താറുള്ളത്.